د امر بالمعروف، نهي عن المنکر او شکایتونو اوریدلو وزارت کې د سیرت النبي صلی الله علیه وسلم په مناسبت غونډه وشوه
د امر بالمعروف، نهي عن المنکر او شکایتونو اورېدلو وزارت په تالار کې د یاد وزارت وزیر شیخ الحدیث مولوي محمد خالد الحنفي صاحب، معین صاحبانو، مشایخ عظامو، مرکزي رئیسانو او کارمندانو په شتون کې د حضرت نبي کریم صلی الله علیه وسلم د مبارک سیرت په تړاو ځانګړې غونډه وشوه.
د سیرت النبي صلی الله علیه وسلم د سیرت په تړاو جوړه شوې غونډې ته په وینا کې شیوخو عظامو د نبوي سیرت پر ارزښت ټينګار وکړ او ویې وویل، د الله تعالی رضا د رسول الله صلی الله عليه وسلم په اطاعت کې ده، موږ باید د ژوند په ټولو اړخونو کې د هغه صلی الله عليه وسلم اطاعت او اتباع وکړو.
هغوی همداراز اسلام د هدایت او لارښوونې دین وباله او ویې ویل مونږ ته په کار ده، چې د ژوند په ټولو اړخونو کې پیغمبر صلی الله علیه وسلم پسې اقتداء وکړو او د ژوند هره چاره د هغه صلی الله عليه وسلم له سنتو سره سمه مخته یوسو.
د غونډې په اوږدو کې ویناوالو همداراز له ګډون والو وغوښتل ترڅو خپلې چارې د نبوي سیرت سره سمې مخته یوسي او نور وګړي هم دې چارې ته وهڅوي.
