سمون راوستونکي کسان باید دسمون معیار وي
سه شنبه، ذوالقعده ۷، ۱۴۴۳
د امر بالمعروف وزارت نظامي هیئت د کابل ښار څلورمې،نهمې او لسمې حوزې له مجاهدینو او ښار کې له ګرځېدونکو نظامي او ملکي مسؤلینو څخه لیدنه وکړه او په هغوی یې د یاد وزازت فرمانونه په عملي ډول پلي کړل.
د امر بالمعروف وزارت د ازاله منکراتو د رئیس مولوي راز محمد حامد په مشرۍ جوړ شوی ۱۰ کسیز هیئت چې په کې د یاد وزارت ډېری مسؤلینو ګډون درلود چې د څلورمې، نهمې او لسمې حوزو له زندان، نظامي، کشفي او جنایي ارګانونو له مسؤلینو او په ښار کې له ګرځېدونکو نظامیانو څخه لیدنه وکړه او د شته منکراتو د له منځه وړلو له پاره یې عملي اقدام وکړ.
د ازاله منکراتو رئیس مولوي راز محمد حامد په دې لیدنو کې د مشرتابه د فرمان سره سم کم عمره او کل ږیري هلکان له نظامي لیکو بهر او له هغو مجاهدینو چې وېښتان یې دنبوي سنتو خلاف وه جدي غوښتنه وکړه چې ژر تر ژره دې خپل وېښتان اصلاح کړي.
ښاغلي حامد په یادو لیدنو کې مسؤلینو ته وویل:"د ټولنې د سمون مسؤلیت باید هغه چاته ورترغاړې شي چې خپله هم منظم وي او د ځان اصلاح ته یې لومړیتوب ورکړی وي."
هغه دغه راز له نظامي لیکو څخه دکم عمره او بې ږیرې هلکانو دایستولو پر مهال کم عمره هلکانو ته سپارښتنه وکړه چې اوس دې خپلو درسونو ته ادامه ورکړي او هم یې له کل ږیروغوښتنه وکړه چې لومړی خپل سیرت او صورت له نبوي ارشاداتو سره سم جوړ کړي او بیا دې د دې ملت د خدمت جوګه شي.
د یادولو وړ ده چې د دیادو حوزو مسؤلینو د امربالمعروف وزارت له لوري د فرمانونو د پلي کولو په مورد له عملي اقدام خوښي څرګنده کړه او یاد هیئت ته یې ډاډ ورکړ چې د دوهم ځل نظارت پر مهال به د داسي منکراتو شاهدان وا نه وسي.
