نظامي معینیت: نظامي مسؤولین باید سیرت او صورت له نبوي ارشاداتو سره سم جوړ کړي
د امر بالمعروف، نهې عن المنکر او شکایتونو اورېدلو وزارت نظامي معینیت، علمي بورډ غړو یو لوړ پوړي پلاوي د خپلو ورځنیو کړنو پر مهال د کابل امنیه قوماندانۍ اړوند جنایي تحقیقاتو ریاست له مسؤولینو او کارکوونکو سره د هغوی د ستونزو اورېدلو او همغږۍ په موخه ولیدل.
د علمي بورډ غړو په خپلو خبرو کې د یادې ناستې موخه د معروفاتو اقامې او منکراتو مخنیوی، د شته ستونزو اورېدل، د لا ښې همغږۍ رامنځته کول او وزارت مقام له لوري شوو سپارښتنو پلي کول یاد کړل او له مسؤولینو یې وغوښتل ترڅو د شوو سپارښتنو پلي کولو ته ژمن پاتې شي او خپل سيرت او صورت له نبوي لارښوونو سره سم برابر کړي.
د یادولو وړ ده چې د امربالمعروف، نهې عنالمنکر او شکایتونو اورېدلو وزارت د نظامي معینیت له لوري په نظامي برخه کې د اصلاحاتو راوستلو په موخه ټاکل شوی پلاوی په پلازمېنه کابل او ولايتونو کې له نظامي مسؤولینو سره ناستې کوي چې ورسره په دې برخه کې د معروفاتو په اقامې کې د پام وړ بدلون راغلی.
