په شپږو ولایتونو کې د محتسبینو او مبلغینو د تعلیم او تربیت عمومي ریاست له لوري څلور ورځني روزنیز سمینارونه پای ته ورسېدل
د امربالمعروف، نهی عن المنکر او شکایتونو اورېدلو وزارت اړوند د محتسبینو او مبلغینو د تعلیم او تربیت عمومي ریاست له لوري په پروان، کاپیسا، لغمان، ننګرهار، کنړ او نورستان ولایتونو کې د مرکز او ولسوالیو محتسبینو او آمرینو ته د یاد وزارت د قانون د ښه تطبیق، له خلکو سره د غوره چلند کولو، علمي پوهې، مسلکي وړتیا، په دعوتي برخه کې د ظرفیت لوړونې او د امیرالمؤمنین حفظه الله له لوري د اولسمې ګڼې فرمان د لا ښه تطبیق په موخه څلور ورځني روزنیز سمینارونه پای ته ورسېدل.
دا روزنیز سمینارونه چې موخه یې د یاد وزارت د قانون اورول، د امیرالمؤمنین حفظه الله د فرمان تطبیق، له خلکو سره غوره چلند کول، د ولس ستونزو ته پر وخت رسېدنه، په ټولنه کې د معروفاتو اقامه او د منکراتو مخنیوی، ظرفیت لوړونه او دعوتي برخې ته لا زیاته پاملرنه وه د یادو ولایتونو د امارتي ادارو مسؤلینو په شتون کې پای ته ورسېدل.
د یاد ولو وړ ده، چې د روزنیزو سمینارونو دا لړۍ په د هېواد په نورو ولایتونو کې هم دوام ولري څو په دعوتي برخه، د ولس ستونزو ته رسېدنې او په اړوندو چارو کې د هغوی شته ستونزو ته د رسېدنې بهیر لا ګړندی شي.
