کابل کې (۷) کلن ماشوم ته د ودېدونکې ځوانې مېرمنې د ناخوښه نکاح مخه ونیول شوه
د پلازمېنې کابل عمومي ریاست محتسبینو د هغې ځوانې مېرمنې د نا خوښه نکاح مخه ونیوله، چې د خسرګنۍ غړو یې غوښتل چې یوه اووه کلن ماشوم ته یې د هغې له خوښې پرته په نکاح کړي.
په دې تړاو د یاد ولایت محتسبینو وویل: یاده ځوانه مېرمن چې خاوند یې وفات شوی و، د نوموړې مېرمنې د خسرګنۍ غړو غوښتل، چې د بې معنی غیرتونو او تربورګلوۍ په اساس یې یوه اووه کلن ماشوم ته د هغې له خوښې پرته په نکاح کې کړي، چې د محتسبینو له لوري د دې ناوړه پېښې مخه ونیول شوه.
محتسبین زیاتوي، چې د مېرمنو خوښه په نکاح کې د هغوی شرعي حق دی، چې باید ترې برخمنې شي، چې په وینا یې: «هیڅ چاته به اجازه ور نه کړو، چې د مېرمنو حقوق تر پښو لاندې کړي او د هغو پېښو مخه به نیسو چې د مېرمنو حقوق ګواښي».
