د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي جنوب ختیځو ولایتونو ته د سفر پر مهال پکتیا کې له دیني عالمانو، متنفذینو او قومي مخورو سره ناسته وکړه

fazli_admin
Sat, Jul 11 2026 3:00 PM

 د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي جنوب ختیځو ولایتونو ته د خپل رسمي سفر پر مهال په پکتیا کې د پکتیکا، خوست، لوګر او غزني ولایتونو له دیني عالمانو، قومي مخورو، متنفذینو او مسؤلینو سره د امربالمعروف، نهي عن المنکر او شکایتونو اورېدلو وزارت د شرعي قانون د تطبیق، د معروفاتو اقامې او د منکراتو د مخنیوي په موخه ناسته وکړه.

محترم شیخ صاحب د ناستې ګډونوالو ته وویل: په افغانستان کې د حاکم اسلامي نظام ساتنه او دفاع تر هر چا وړاندې ستاسې مسؤولیت دی، ځکه نظام اسلامي دی شرعي امیر لری او په راس کې یې ټول علماء دي. د اسلامي امت رهبري د علماوو مسؤولیت دی، ځکه باید له اسلامي نظام څخه په کلکه دفاع او ساتنه وکړئ.

شیخ صاحب زیاته کړه: زموږ د څلورو لسیزو جهاد هدف د بشپړ او مطلق شریعت تطبیقول دي، تر څو مو چې په ټوله جغرافیه کې دین په بشپړ ډول نه وي حاکم کړی، ټول به مسؤول یو!

دغه راز شیخ صاحب د خپلو خبرو پر مهال وویل: په تېر شل کلن اشغال کې یرغلګر د فزیکي اشغال تر څنګ فکري اشغال ته ډېر متوجه وو. دوی د افغانانو د بې‌لارې کولو، پر دین د خلکو بدګمانه کولو او دیني ارزښتونو د بدنامۍ لپاره په بېلابېلو لباسونو کې کار وکړ، چې اوس د دې ټولو بدیو مخه نیول زموږ او ستاسې شرعي مسؤلیت دی.

د ناستې په پای کې له یادو ولایتونو راغلیو علماء کرامو، متنفذینو او قومي مخورو هم پخپل وارسره خبرې وکړې او د امربالمعروف نهی عن المنکر د شرعي قانون په تطبیق کښي له محتسبینو سره مرسته او په ټولنه کې د معروفاتو اقامه او د منکراتو مخنیوی یې خپل شرعي مسؤلیت یاد کړ.

د یادولو وړ ده، چې د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي څو ورځې وړاندې شمالي ولایتونو ته د سفر په لړ کې  د بدخشان، تخار، بغلان، بلخ، سمنگان، جوزجان، فاریاب، کندز او سرپل ولایتونو له دیني عالمانو، متنفذینو او قومي مخورو سره هم ناستې وکړې او د ولایتي سفرونو دا لړۍ به دوام ولري.

Latest news

Wed, Nov 18 2026 9:54 AM
Background image

Religious Awareness and Reform Programs Held in Four Provinces to Promote the Observance of Sharia Rulings at Engagement and Wedding Ceremonies

Officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, held religious awareness and reform meetings in Takhar, Laghman,. . .

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

BACK TO NEWS