د امربالمعروف وزارت درې ګوني هيئت له بېلابېلو وزارتونو لیدنه وکړه
پنجشنبه، شوال ۱۲، ۱۴۴۳
ياد درى ګوني هيئت کې چې د امربالمعروف، نهى عن المنکر او شکايتونو اورېدلو وزارت د مختلفو ادارو استازو ګډون درلود په عامې روغتيا، کورنيو چارو، ټولګټو چارو، عدليې وزارت او چارو ادارې کې يې د امربالمعروف وزارت له لوري د ورکړل شويو فرمانونو د تطبيق څخه څارنه او د همدغو فرمانونو په پلي کولو ټينګار وکړ.
ياد هيئت په لومړي سر کې د ذکر شويو وزارتونو له وزيرانو او معينانو سره وکتل او بيا يې له هغوى سره په ګډه د يادو وزارتونو مسئولينو او کارکوونکو ته د امربالمعروف، نهى عن المنکر او شکايتونو اورېدلو وزارت له لوري د ورکړل شويو فرمانونو د پلي کولو سپارښتنې وکړې.
د يادونې وړ ده چې د ذکر شويو وزارتونو مسئولينو او کارکونکو د امربالمعروف وزارت له دغه ډول فرمانونو څخه خوښي څرګنده کړه او په پلي کولو کې يې د همکارۍ ډاډ ورکړ.
