په خوست، تخار، سرپل او بامیانو ولایتونو کې محتسبینو ۱۵شخړې حل کړې دي
د امر بالمعروف، نهي عن المنکر او شکایتونو اورېدلو وزارت اړوند د خوست، سرپل، تخار او بامیان ولایتونو محتسبینو د علماوو او قومي مخورو په همکارۍ په یادو ولایتونو کې پنځلس قومي شخړې حل او د ښکېلو اړخونو تر منځ یې روغه وکړه.
محتسبین وایي: یادې شخړې له څه مودې راهیسې د اړوندو لوریو ترمنځ د اختلاف سبب شوې وې، چې د محتسبینو له پرلهپسې هڅو، منځګړیتوب او د دواړو خواوو ترمنځ د تفاهم د رامنځته کولو په پایله کې په سولهییز ډول حل شوې.
د شخړو د حل پر مهال محتسبینو د اسلامي شریعت د اصولو، متقابل احترام او ورورولۍ پر اهمیت ټینګار وکړ او دواړو لوریو د راتلونکي لپاره د سولې، همغږۍ او ښه ګاونډیتوب ژمنه وکړه.
