د پلازمېنې کابل ښاري ریاست محتسبینو په هڅو یوه نجلي له غیر شرعي نکاح څخه وژغورل شوه 

fazli_admin
Wed, Sep 24 2025 1:44 PM
ph_kabl_yk_ghyr_shry_nkah_mkhnwy_wshwh.jpg

د بلخ ولایت یوه نجلۍ، چې د خپلې کورنۍ له لوري د غیر شرعي نکاح له ګواښ سره مخ وه، چې په کابل کې یې د خپلوانو په کور کې پناه اخسیتې وه، د خپلوانو تر مشورې وروسته د پلازمېنې کابل ښاري ریاست اړوند د یوولسمې ناحیې محتسبینو ته د قضیې د حل په موخه عارضه شوه .

محتسبینو ته د یادې نجلۍ په تړاو له پلټنو او د کورنۍ د غړو له خبرو وروسته معلومه شوه، چې نوموړې نجلۍ نور خواست ګار هم لري او غواړي د خپلې خوښې له کس سره نکاح وکړي، چې محتسبینو د دې موضوع د شرعي اړخونو له ارزونې او د دواړو لوریو د کورنیو ترمنځ د مشورتي ناستو وروسته، پرېکړه وکړه، چې د نجلۍ او د هغې د خوښې کس ترمنځ شرعي نکاح ترسره کړي.

دا شرعي نکاح د وکیل‌ ګذر، شاهدانو، او د دواړو خواوو د کورنیو په شتون کې ترسره شوه او د دواړو لوریو څخه لیکلي ضمانت‌لیکونه واخیستل شول، څو په راتلونکي کې خپلو مسؤلیتونو ته ژمن پاتې شي او د اسلامي ارزښتونو او په ځانګړي ډول د مېرمنو د حقونو پر وړاندې له تاوتریخوالي ډک چلند له کولو څخه ډډه وکړي.

د یادولو وړه ده، چې د امر بالمعروف، نهی عن المنکر او شکایتونو اورېدلو وزارت مسؤلینو تر دې وړاندې د مېرمنو د حقونو اړوند سلګونه قضیې حل کړې دي، چې له دې کاره یې موخه د اسلامي ارزښتونو پیاوړتیا، د ښځو د مشروع حقونو خوندیتوب او د کورني تفاهم له لارې د ټولنیزو ستونزو حل ته لاره هوارول دي.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS