د امربالمعروف وزارت وزیر شیخ محمد خالد الحنفي له دیني عالمانو، داعیانو او قلموالو سره د همغږۍ په موخه ناسته وکړه 

fazli_admin
Mon, May 26 2025 10:49 AM

د امربالمعروف، نهې عن المنکر او شکایتونو اورېدلو وزارت وزیر شیخ محمد خالد الحنفي د دې وزارت د غونډو په تالار کې له علماوو ، داعیانو او قلموالو سره د دعوتي چارو  د سمون او په دې برخه کې د همغږۍ په موخه ناسته وکړه.

د ناستې په پیل کې د امربالمعروف، نهې عن المنکر او شکایتونو اورېدلو وزارت وزیر شیخ محمد خالد الحنفي ګډون والو ته د ښه راغلاست تر څنګ وویل: د قلم پر ځای کارول جهاد اکبر دی چې باید د دین خدمت پرې وشي او د اسلامي نظام د دفاع له پاره کار ترې واخیستل شي، ځکه چې الله جل جلاله تاسې ته توان درکړی او د قیامت په ورځ الله جل جلاله درنه پوښتنه  کوي.
ښاغلي شیخ صاحب زیاته کړه، په دین کې استقامت د مسلمانان ځانګړنه ده، لکه څرنګه چې د خپل مال او کور د ساتلو لپاره دیوالونه جوړوو، نو په کار ده چې د عقیدې دیوالونه هم دومره لوړ او پياوړي وساتو چې غلیم ته د تیري فکر هم زړه ته ور نشي.
د شیخ صاحب حنفي په وینا: اسلامي نظام پر موږ د الله جل جلاله نعمت دی موږ که د دې نعمت شکر ادا نکړ الله جل جلاله به له موږ څخه دا نعمت واخلي او د دې نعمت شکر اداینه همدا ده چې له هرې ممکنې لارې د نظام خدمت وکړو.

دغه راز شیخ صاحب علماوو، قلم والو او داعیانو ته په خطاب کې وویل: تاسې د قلم او نظر خاوندان یاست، تاسې ته معلومه ده چې نن سبا د دعوت او قلم جګړه ده نو په همدې اساس د غرب د منفي تبلیغاتو په مقابل کې قلمي او دعوتي مبارزه او د عامه ذهنیت سمون ستاسې دیني عالمانو او قلم والو مسؤلیت دی.

د یادولو وړ ده چې د ناستې په پای کې راغلو علماوو، داعیانو او قلموالو خپل نظرونه شریک کړل او د داسې ناستو جوړول یې په کارونو کې د همغږۍ او مرستې  غوره لار وبلله او د داسې ناستو د دوام غوښتنه یې وکړه.
 

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS