شیخ محمد خالد (الحنفي) د نورستان ولایت د برګ مټال ولسوالۍ له دیني عالمانو او قومي مخورو سره وکتل
شنبه، رجب المرجب۲۷، ۱۴۴۴
نن شنبه؛ د امر بالمعروف، نهی عن المنکر او شکایتونو اوریدلو وزارت سرپرست وزیر شیخ محمد خالد (الحنفي) د نورستان ولایت، د برګ مټال ولسوالۍ د دیني عالمانو او قومي مخورو له استازو سره په خپل کاري دفتر کې وکتل او د هغوی شته ستونزې یې واورېدې او د حل په موخه یې تر مسؤلو چارواکو د رسولو ډاډ ورکړ .
د یادې ولسوالۍ ،د د یني عالمانو او قومي مخورو استازو، په یاده ولسوالي کې د دیني مدارسو او ښوونځیو پر نه شتون او په صحي برخه کې پر نه امکانا تو خواشیني وښوده او له هغوی یې وغوښتل؛ چې د دې ستونزو په حل کې ورسره لازمه مرسته وکړي.
د یاد وزارت، سر پرست وزیر شیخ محمد خالد الحنفي هغوی ته د ښه را غلاست تر څنګ وویل؛ چې اسلامي امارت د خپل ولس هر ډول ستونزي اوري او د حل هڅه یې کوي څو ولس ارام ژوند وکړي او د ژوند له لومړنیو ضرورتونو برخمن و اوسي.
د ناستې په پای کې، سرپرست وزیر په یاده ولسوالي کې د امربالمعروف پر کړنو خبرې وکړې او د سیمې له اوسېدونکو یې په دې برخه د همکاري غوښتنه وکړه چې هغوی ورته د هر ډول مرستې ډاډ ورکړ او دا ناسته د عایې په ویلو پای ته ورسېده.
