د کونړ ولايت د امر باالمعروف او نهي عن المنکر ریاست، مقاماتو او محتسبينو ته روزنیز سمينار پیل شو
دشنبې ورځ د ۱۴۴۳/۸/۲ نیټې سره سم، د کونړ ولایت، امربالمعروف او نهي عن المنكر ریاست، اړوند آمريتونو او محتسبینو ته د امربالمعروف او نهي عن المنکر وزارت د اصلاح و تربيت ریاست لخوا روزنیز سمینار پیل شو، چې څو ورځې به دوام وکړي،
د یاد سيمنار پیل د قرانکریم په څو مبارکو آیتونو وشو، ورپسې له کابل څخه تللی هيئت د کونړ ولایت د امربالمعروف ریاست کارکوونکو ته د یاد ریاست د رئیس لخوا ور پېژندل شو،
راغلي هيئت غړو په نوبت سره سمینار کډونوالو ته وینا وکړه،
په لومړيو کې شیخ صاحب امير جان ثاقب د معرفاتو او منکراتو په اړه وینا وکړه، تر څو محتسبین معروف او منکر وپېژني او په حکمت سره یې د اصلاح هڅه وکړي، ورپسې مفتي صیب عبدالوهاب محسبین و هڅول او په ښو د امر او له بدو نه د منعې ګټې یې بیان ورته کړې
او ښاغلي ثواب خان حقاني په خپله وینا کې په اخلاقو بحث وکړ، محتسبین یې و هڅول چې په ښو اخلاقو د منکراتو له منځه وړلو او د معرفاتو په اقامه کې له خلکو سره چلند وکړي.
