محتسبینو په اتو ولایتونو کې د حجاب په تړاو ناستې وکړې
محتسبینو د پلازمېنې کابل په ګډون په پروان، غزني، بامیان، هرات، ننګرهار، سرپل او پنجشیر ولایتونو کې د خپلو کړنو پر دوام د امربالمعروف وزارت د قانون له مخې له ګذر وکیلانو او ځایي اوسېدونکو سره په بېلابېلو اصلاحي ناستو کې له هغوی سره د حجاب پر اهمیت د حجاب پر کولو او په دې برخه کې د یاد وزارت له لوري د شوو لارښوونو د پلي کولو او ګډې همکارئ په موخه اصلاحي ناستې وکړې.
محتسبینو وویل: حجاب الهي حکم دی، چې په کولو سره یې له یوه پلوه الهي حکم پر ځای کېږي او له بل پلوه په ټولنه کې د شته بدیو مخه نیول کېږي، چې په وینا یې د سالمې ټولنې رامنځته کول او د شته منکراتو له منځه وړل زموږ او ستاسې ګډ دیني مسؤولیت دی چې باید تر سره یې کړو.
دا په داسې حال کې ده، چې محتسبین په ټول هېواد کې له ځایي خلکو سره د لمانځه پر جماعت سره ادا کولو، والدینو د حقونو، اسلامي ورور ولۍ او معروفاتو اقامې او منکراتو مخنیوي په موخه ناستې کوي چې ور سره په ټولنه کې د زیاتو ناوړه کړنو مخه نیول شوې او ځایي خلک د محتسبینو دا کړنې د ټولنې د سمون تر ټولو غوره لار بولي.
