د امر باالمعروف، نهې عن المنکر او شکایتونو اورېدلو وزارت رهبري د وزارت اړوند نظامي محتسبینو لپاره یو ورځنی سیمینار جوړ شو

fazli_admin
پنجشنبه ۱۴۰۵/۴/۴ - ۱۲:۲۳
smynar_w_dydar_wzyr_sahb_-4_srtan.jpg

د امر بالمعروف، نهې عن المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي په دعوتي چارو کې د لا ښې همغږۍ او دعوتي چارو پیاوړتیا په موخه په موخه د جوړ شوي یو ورځني سیمینار په ترڅ کې د یاد وزارت اړوند نظامي محتسبینو سره د یاد وزارت د غونډو په تالار کې وکتل.

د امر باالمعروف، نهې عن المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي په خپلو خبرو کې د شرعي مسؤلیتونو په ترسراوي کې پر صداقت ټینګار وکړ او ویې ویل چې محتسبین باید د خپلو شرعي دندو او د الهي احکامو د تطبیق پر مهال له هېڅ مقام، مسؤول او یا شخص څخه وېره ونه لري.

ښاغلي شیخ صاحب زیاته کړه چې د امر بالمعروف او نهی عن المنکر په برخه کې د محتسبینو مسؤلیتونه ستر ارزښت لري او هغوی مکلف دي چې ورسپارل شوې دندې د اسلامي شریعت له اصولو سره سمې، په امانتدارۍ، عدالت، حکمت او غوره توګه ترسره کړي.

شیخ محمد خالد الحنفي په خپلو خبرو کې د احتساب مسؤلیت په اسلامي نظام کې ځانګړی او مهم وباله او څرګنده یې کړه چې د دې مسؤولیت په سمه او مؤثره توګه ترسره کول د ټولنې په اصلاح، د دیني او اسلامي ارزښتونو په پیاوړتیا او د سالم اسلامي چاپېریال په رامنځته کولو کې مهم رول لري.

هغه همدارنګه پر دې ټینګار وکړ چې محتسبین باید په خپلو ټولو فعالیتونو کې د الله تعالی رضا، دین ته خدمت او د مسلمانانو خیر غوښتنه په پام کې ونیسي او د خپلو چارو د ترسره کولو پر مهال شرعي اصولو ته بشپړه پاملرنه وکړي.

د ناستې په اوږدو کې نظامي محتسبینو هم د خپلو اړوندو څانګو د فعالیتونو، لاسته راوړنو، ترسره شویو اقداماتو او راتلونکو پلانونو په اړه معلومات وړاندې کړل او ټینګار یې وکړ چې د شرعي احکامو د تطبیق، ټاکل شویو موخو د تحقق او د قوانینو او کړنلارو له مخې د خپلو پلانونو د پلي کولو په برخه کې بشپړه هڅه کوي.

د یادونې وړ ده چې د امر بالمعروف، نهی عن المنکر او شکایتونو اورېدلو وزارت رهبري په دعوتي چارو کې د لا ښې همغږۍ په موخه وخت نا وخت له ملکي او نظامي محتسبینو سره په منظم ډول ورته ناستې ترسره کوي.

تازه ترین اخبار

سه‌شنبه ۱۴۰۵/۸/۲۶ - ۹:۵
Background image

نشست تطبیق فرامین عالی‌قدر امیرالمؤمنین حفظه‌الله و رعایت حجاب با حضور صدها تن از علمای دینی در ولایت فراه برگزار شد

نشست بزرگ اصلاحی و آگاهی‌دهی پیرامون تطبیق فرامین عالی‌قدر امیرالمؤمنین حفظه‌الله، قانون امر بالمعروف، نهی عن المنکر و رعایت حجاب شرعی، با حضور صدها تن از علمای دین، بزرگان قومی و. . .

سه‌شنبه ۱۴۰۵/۸/۲۶ - ۸:۵۳
Background image

برای حفظ جان و مال مردم؛ کمپاین سراسری جمع‌آوری پتاقی و مواد آتش‌زا از سوی محتسبین ادامه دارد

مسئولان وزارت امر بالمعروف، نهی عن المنکر و سمع شکایات می‌گویند که محتسبین این وزارت، حدود دو هفته پیش کمپاین سراسری جمع‌آوری پتاقی و مواد آتش‌زا را به‌منظور جلوگیری از منکرات، اعمال. . .

سه‌شنبه ۱۴۰۵/۸/۲۶ - ۸:۵۰
Background image

نجات نزدیک به ۳۰ زن از خشونت‌های خانوادگی طی دو روز در ۹ ولایت

در نتیجه تلاش‌ها و رسیدگی‌های منسوبین وزارت امر بالمعروف، نهی عن المنکر و سمع شکایات، طی دو روز گذشته ۲۶ زن در ۹ ولایت از خشونت و بدرفتاری خانوادگی نجات یافته‌اند.

این قضایا در ولایت. . .

BACK TO NEWS