محتسبینو د هېواد په (۱۰) ولاتونو کې (۱۷)شخړې حل کړې
د امربالمعروف، نهی عن المنکر او شکایتونو اورېدلو وزارت اړوند د فراه، ننگرهار، میدان وردک، بادغیس، سمنگان، کابل، بغلان، تخار، دایکندي او سرپل ولایتونو محتسبینو په مرکز او یو شمېر ولسوالیو کې د ټولنیز ثبات، د قومي او ژبني تعصباتو د له منځه وړلو او د یووالي روحیې د پیاوړي کولو په موخه د کورنیو تر منځ (۱۷)شخړې حل او د ښکېلو اړخونو تر منځ یې روغه وکړه.
محتسبین وایي: د قومونو تر منځ د یووالي په برخه کې به هېڅ راز هڅې و نه سپموي او هېڅ چاته به اجازه ور نکړي، چې قومي او ژبنۍ دښمني وپالي.
محتسبینو ورته مهال له ځایي خلکو سره د ولسي ناستو پر مهال له دیني عالمانو، قومي مخورو او ځایي خلکو غوښتي، چې د ورته ستونزو په مخنیوي کې له محتسبینو سره مرسته وکړي.
بلخوا ځایي اوسېدونکي د محتسبینو دا کړنې ستاسي او له هغوی غواړي، چې په ټولنه کې د منکراتو د مخنیوي تر څنګ د شته ناخوالو ، شخړو او دښمنیو د مخنیوي په موخه خپلې کړنې لا نورې هم ګړندۍ کړي.
