د امر بالمعروف، نهې عن‌المنکر او شکایتونو اورېدلو وزارت قدرمن وزیر په افغانستان کې د ملګرو ملتونو د کډوالۍ د عالي کمېشنرۍ له رئیس سره وکتل

fazli_admin
دوشنبه ۱۴۰۵/۳/۱۱ - ۱۱:۳۳
11_jwza1405

د امر بالمعروف، نهې عن‌المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي راستنو شویو کډوالو ته چوپړونو په بهیر کې د ځينو ستونزو د حل، خنډونو لرې کولو او همغږۍ په موخه په خپل کاري دفتر کې په افغانستان کې د ملګرو ملتونو د کډوالۍ د عالي کمېشنرۍ له رئیس او په افغانستان کې د ملګرو ملتونو د بشري مرستو همغږي کوونکي عرفات جمال سره وکتل.

شیخ صاحب په تېرو کلونو کې راستنو شویو کډوالو ته د یادې ادارې مرستې او فعاليتونه وستايل او ویې ویل چې اسلامي امارت راستنو شویو کډوالو ته د اړینو اسانتیاوو د برابرلو په برخه کې له اړوندو ادارو سره ګډې هڅې کړي او د کډوالو ستونزو د حل لپاره یې د اړوندو امارتي ادارو ګډ کمیسیون رامنځته کړی دی.

ښاغلي شیخ صاحب زیاته کړه چې اوس افغانستان کې ډاډمن امنیت شتون لري او تر بل هر وخت ښه فرصت دی چې افغان کډوالو ته اسانتیاوې برابرې شي‌.

ښاغلي شيخ صاحب همداراز ډاډ ورکړ چې په ټولنه کې د ټولو وګړو د شرعي حقونو خوندیتوب د اسلامي امارت په ځانګړي ډول امر بالمعروف وزارت ته لومړیتوب لري او د اسلامي امارت له بیا واکمنېدو راهیسې د سلګونو زرو وګړو شرعي او اساسي حقونه خوندي شوي دي.

شیخ صاحب همداراز یادونه وکړه چې اوس د خویندو د شکایتونو اورېدلو په برخه کې اسانتیاوې رامنځته شوي او خویندی کولای شی د ۱۹۱ وړيا شمېرې له لارې په ۲۴ ساعته ډول خپلې ستونزې له یاد وزارت سره شريکې او یاد وزارت ژمن دی چې د‌هغوی ستونزې واوري او له خپلو حقونو یې برخمنې کړي.

ورپسې د افغانستان لپاره ملګرو ملتونو د کډوالۍ د عالي کمېشنرۍ رئیس عرفات جمال د خپلې ادارې د فعالیتونو او وروستیو لاسته راوړنو په تړاو معلومات ورکړل او ويې ویل چې له ۲۰۲۳ زېږدیز کال راهیسې تر دې دمه شاؤخوا شپږ مېلیونه افغان کډوال بېرته هېواد ته راستانه شوي، چې د ټول نفوذ ۱۵ سلنه جوړوي.

ښاغلي عرفات زیاته کړه چې دوی هڅه کوي له راستانه شویو کډوالو سره د نقدي مرستو ترڅنګ د سرپناه په برابرولو او د کوچني کاروبارونو رامنځته کولو کې مرستې وکړي او په دې برخه کې یې له اسلامي امارت سره په ګډه همغږۍ په ځینو ولایتونو کې ځينې پروژې هم پلي کړې دي.

هغه همداراز ډاډ ورکړ چې هڅه کوي د راستنو شویو کډوالو د لاسنیوي او هغوی سره د مرستو لپاره اړينې مرستې راجلب کړي او نړیوالو ته د افغانستان ريښتينې او مثبت انځور وړاندې کړي.

یاده دې وي چې د ناستې په اوږدو ښاغلي عرفات د ځينو موضوعاتو په تړاو خپل وړاندیزونه او ستونزې د وزارت له قدرمنې رهبرۍ سره شریکې کړې او د ښاغلي شیخ صاحب له لوري د بشپړې همکاري ډاډ ورکړل شو.

تازه ترین اخبار

چهارشنبه ۱۴۰۵/۸/۲۷ - ۹:۲۲
Background image

برگزاری برنامه‌های اصلاحی و آگاهی‌دهی دینی به‌منظور تطبیق احکام شرعی در مراسم نامزدی و عروسی در چهار ولایت

محتسبین وزارت امر بالمعروف، نهی عن المنکر و سمع شکایات در ولایت‌های تخار، لغمان، ننگرهار و کابل، نشست‌های اصلاحی و آگاهی‌دهی دینی را با اشتراک صدها تن از علمای دین، بزرگان قومی و جوانان. . .

چهارشنبه ۱۴۰۵/۸/۲۷ - ۹:۱۴
Background image

از دو مورد نکاح تحمیلی بر زنان در ولایت‌های پروان و زابل جلوگیری شد

منسوبین وزارت امر بالمعروف، نهی عن المنکر و سمع شکایات، به‌منظور رسیدگی به شکایات مردمی و تأمین حقوق شرعی زنان، از دو مورد نکاح تحمیلی بر زنان در ولایت‌های پروان و زابل جلوگیری کردند.

. . .
چهارشنبه ۱۴۰۵/۸/۲۷ - ۹:۱
Background image

بازدید هیئت نظامی وزارت امر بالمعروف، از بخش‌های مختلف ریاست نظامی عملیات وزارت دفاع

هیئتی از معینیت نظامی وزارت امر بالمعروف، نهی عن المنکر و سمع شکایات، به‌منظور نظارت بر تطبیق احکام شریعت اسلامی، اقامه معروفات و ازاله منکرات، از بخش‌های مختلف ریاست نظامی عملیات مربوط. . .

BACK TO NEWS