د امر بالمعروف وزارت اړوند ولایتي رئیسانو ته يو ورځنی سیمینار جوړ شو

fazli_admin
شنبه ۱۴۰۵/۱/۲۲ - ۱۳:۵۶
smynar_bray_rwsay_wlayty-_khbr_az_skhnrany_wzyr_sahb-_22_hml_.jpeg

د امر بالمعروف، نهي عن‌المنکر او شکایتونو اورېدلو وزارت له خوا د یاد وزارت ټولو ولایتي رئیسانو، د شکایتونو اورېدلو آمرینو او د مالي او اداري برخې کارکونکو ته د ظرفیت لوړونې، لا ښې همغږۍ، شته اداري او کاري ستونزو حل او د دعوتي چارو لا پیاوړتیا په موخه د یاد وزارت د وزیر شیخ الحدیث محمد خالد الحنفي، مرستیالانو او ځينو مرکزي رئیسانو په شتون کې یو ورځنی سیمینار جوړ شو.

د امر بالمعروف، نهي عن المنکر او شکایتونو اورېدلو وزارت وزیر شیخ الحدیث محمد خالد الحنفي په خپلو خبرو کې ولایتي رئیسانو ته د ښه راغلاست ترڅنګ وویل: الله جل جلاله په ځمکه کې د احتساب دنده خپلو نېکو بنده ګانو ته سپاري، تر څو شرعي قوانین په ښه ډول تر خلکو ورسوي او خلک د الله جل جلاله لوري ته راوبولي.

ښاغلي شيخ صاحب همدا راز زیاته کړه، چې د اسلامي احکامو پلي کول او د خلکو حقونه هغوی ته ورسپارل د دې وزارت له اساسي مسؤولیتونو څخه دي او یاده چاره ژمنتیا، همغږۍ او د ټولو ګډې همکارۍ ته اړتیا لري.

ښاغلي شيخ صاحب ټینګار وکړ، چې د خلکو شکایتونو ته په رسېده‌ګي کې جدیت کوئ، د اصولو او قانون په رڼا او د مظلوم په دفاع کې د هیچا مراعت مه کوئ او قانون په ټولو يو شان تطبیق کړئ.

همدارنګه د یاد وزارت د شکایتونو اورېدلو مرستیال شیخ صدیق الله هم په خپلو خبرو کې وویل، چې د معروفاتو اقامه، د منکراتو مخنیوی، د یووالي راوستل او د مظلوم دفاع زموږ د جهاد اساسي موخې وې او زیاته یې کړه، چې د شکایتونو اورېدلو قانون د ولسونو د ستونزو اورېدلو او له هغوی سره د مرستې په موخه جوړ شوی. هیڅوک تر دې قانون نه دي لوړ؛ بلکې د قانون په اساس پر کړنو مجبور دي.

د غونډې په اوږدو کې د یاد وزارت مالي او اداري لوی رئیس الحاج مولوي حمید الله امین، د کارکوونکو چارو رئیس مولوي نور الرحمن عابد، د تدارکاتو رئیس مولوي محمد یحیی عارف، د اطلاعاتو او عامه اړیکو رئیس مولوي سیف الاسلام خیبر او د یاد وزارت د محتسبیو د ښوونې او روزنې رئیس مولوي راز محمد حامد هم د خپلو ریاستونو اړوند چارو په تړاو هر اړخیزې ویناوې وکړې او په دې برخو کې یې شته ستونزې له ولایتي رئیسانو سره شريکې کړې‌.

د غونډې په پای کې د ګډونوالو غوښتنې، وړاندیزونه او ستونزې واورېدل شوې او د ستونزو حل په برخه کې د وزارت د رهبري له لوري د بشپړ حل ډاډ ورکړل شو.

تازه ترین اخبار

سه‌شنبه ۱۴۰۵/۸/۲۶ - ۹:۵
Background image

نشست تطبیق فرامین عالی‌قدر امیرالمؤمنین حفظه‌الله و رعایت حجاب با حضور صدها تن از علمای دینی در ولایت فراه برگزار شد

نشست بزرگ اصلاحی و آگاهی‌دهی پیرامون تطبیق فرامین عالی‌قدر امیرالمؤمنین حفظه‌الله، قانون امر بالمعروف، نهی عن المنکر و رعایت حجاب شرعی، با حضور صدها تن از علمای دین، بزرگان قومی و. . .

سه‌شنبه ۱۴۰۵/۸/۲۶ - ۸:۵۳
Background image

برای حفظ جان و مال مردم؛ کمپاین سراسری جمع‌آوری پتاقی و مواد آتش‌زا از سوی محتسبین ادامه دارد

مسئولان وزارت امر بالمعروف، نهی عن المنکر و سمع شکایات می‌گویند که محتسبین این وزارت، حدود دو هفته پیش کمپاین سراسری جمع‌آوری پتاقی و مواد آتش‌زا را به‌منظور جلوگیری از منکرات، اعمال. . .

سه‌شنبه ۱۴۰۵/۸/۲۶ - ۸:۵۰
Background image

نجات نزدیک به ۳۰ زن از خشونت‌های خانوادگی طی دو روز در ۹ ولایت

در نتیجه تلاش‌ها و رسیدگی‌های منسوبین وزارت امر بالمعروف، نهی عن المنکر و سمع شکایات، طی دو روز گذشته ۲۶ زن در ۹ ولایت از خشونت و بدرفتاری خانوادگی نجات یافته‌اند.

این قضایا در ولایت. . .

BACK TO NEWS