پکتیا کې محتسبینو د رسنیو له مسؤلینو سره د همغږۍ په موخه ناسته وکړه
د پکتیا ولایت د امر بالمعروف، نهی عن المنکر او شکایتونو اورېدلو ریاست مسؤلینو د ځینو رسنیو له مسؤلینو سره د همغږۍ په پار په جوړه شوې ناسته کې وویل: رسنۍ په ټولنه کې د محراب او منبر حیثیت لري نو پر تاسې لازمه ده، چې د ټولنې تر خلکو هغه څه ور ورسوئ چې داسلام او اسلامي نظام اساسي غوښتنې دي.
دا ناسته چې پکې پر امارتي مسؤلینو سر بېره د ګڼو غږیزو رسنیو مسؤلینو ګډون درلود د امربالمعروف مسؤلینو وویل: په ټولنه کې د عامه ذهنیت جوړولو او خلکو ته د اسلامي احکامو د ور رسولو دروند مسؤلیت ستاسې پر اوږو دی ؛ ځکه رسنۍ په ټولنه کې د محراب او منبر حیثیت لري نو پر تاسې لازمه ده چې د ټولنې تر خلکو هغه څه ور ورسوئ کوم چې د اسلام او اسلامي نظام اساسي غوښتنې وي.
مسؤلینو د رسنیو اهمیت ته په اشارې سره وویل، رسنۍ د ملت او نظام تر منځ د پول حیثیت لري که چرته رسنۍ د نظام له پالیسي سره سم نشرات وکړي د نظام د بقا او استحکام سبب کېږي نو پر همدې اساس مو د رسنیو له مسؤلینو غوښتنه ده، چې د نظام اصلي غږ تر ولس ورسوي څو ولس له نظامه راضي او غوښتنو ته یې ژمن و اوسي.
دغه راز محتسبینو له هغوی وغوښتل چې د موسیقي او تصویر له خپرولو څخه ډډه وکړي او خپلې کړنې د امیر المؤمنین حفظه الله له لوري د ټاکل شوې پالیسۍ سره سمې تر سره کړي.
ورته مهال د رسنیو مسؤلینو د دې ناستې پر جوړېدو خوښي وښوده او له مسؤلینو یې د د اسې ناستو د جوړېدو غوښتنه وکړه.
