غزني کې یوې مېرمنې د محتسبینو په هڅو د نکاح شرعي حق تر لاسه کړ
د غزني ولایت د امربالمعروف، نهی عن المنکر او شکایتونو اورېدلو ریاست محتسبینو هغه کونډه مېرمن د شرعي نکاح له حقوقو څخه برخمنه کړه، چې نا سکه زامنو یې نه غوښتل چې پخپله خوښه نکاح وکړي.
محتسبین وایي :یاده مېرمن چې خاوند یې وفات شوی و او د عدت موده یې پوره شوې وه، غوښتل یې چې د شریعت مطابق د خپلې خوښې نکاح وکړي، خو د ناسکه زامنو له لوري زامنو مخه نیول کېدله او اجازه یې نه ورکوله چې له چا سره نکاح وکړي.
محتسبین زیاتوي، چې د مېرمنو خوښه په نکاح کې د هغوی شرعي حق دی، چې باید ترې برخمنې شي. په وینا یې: «هیڅ چاته به اجازه ور نه کړو، چې د مېرمنو حقوق تر پښو لاندې کړي او د هغو پېښو مخه به نیسو چې د مېرمنو حقوق ګواښي».
