د غزني، میدان وردګ او سرپل ولایتونو د امر بالمعروف مسؤلینو درې شخړې حل کړې دي
د غزني ولایت د امر بالمعروف، نهی عن المنکر او شکایتونو اورېدلو ریاست مسؤلینو په ګیلان ولسوالۍ کې د دوو کورنیو تر منځ د ترافیکي پېښې له امله رامنځته شوې شخړه چې د دوو تنو د وژل کېدلو او څلورو کسانو د ټپي کېدو لامل شوې وه حل کړه.
د یاد ولایت مسؤلین وایي: یاده شخړه چې د ترافیکي پېښې له امله را منځته شوې وه، چې پکې دوه تنه وژل شوي او څلور تنه پکې ټپیان شوي وو د محتسبینو په هڅو او د قومي مخورو په منځګړیتوب حل شوه.
ورته مهال د میدان وردګ او سرپل ولایت مسؤلینو د خپلو کړنو پر مهال د څلورو کورنیو تر منځ د حقوقي مسائلو پر سر د راپورته شویو شخړو مخه نیولې او ښکېل اړخونه یې د ورورولۍ په فضا کې ژوند کولو ته هڅولي دي.
دا په داسې حال کې ده، چې د امر بالمعروف، نهی عن المنکر او شکایتونو اورېدلو وزارت ولایتي مسؤلینو د هېواد په کچه په تېره سرطان میاشت کې (۷۱) لویې او وړې دښمنۍ حل کړې دي.
