لغمان کې محتسبینو یوه مېرمن له (۱) کلن کورني تاوتریخوالي وژغورله

fazli_admin
یکشنبه ۱۴۰۴/۲/۲۱ - ۱۵:۲۳
This text will be used by screen readers, search engines, or when the image cannot be loaded.

د امربالمعروف، نهې عن المنکر او شکایتونو اورېدلو وزارت اړوند د لغمان ولایت محتسبینو د دې وزارت له لوري د مېرمنو د حقونو د ورکړې او ساتنې په موخه، د نوي توشیح شوي قانون له مخې یوه مېرمن، چې له تېر یوه کال راهیسې د خسرګنۍ له لوري د پلار کور ته له تګ څخه منع شوې وه او له جدي کورني تاوتریخوالي سره مخ وه وژغورله.

په دې تړاو د یاد ولایت د امربالمعروف رئیس وویل: یاده مېرمن، چې د علینګار ولسوالۍ اوسېدونکې ده، له تېر یوه کال راهیسې د خسر ګنۍ له لوري له جدي کورني تاوتریخوالي سره مخ وه او د کورنیو ستونزو پر اساس د پلار کور ته له تګ څخه منع شوې وه، د محتسبینو له لوري وژغورل شوه او د خسرګنۍ له غړو څخه یې وغوښتل شول، چې په راتلونکي کې د داسې غیر شرعي کړنو له تر سره کولو ډډه وکړي.

ورته مهال د یاد ولایت محتسبینو، په یو بل ورته اقدام کې یوې مېرمنې ته د مهر یا ولور حق وسپاره او د نجلۍ کورنۍ ته یې په سپارښتنو کې وویل، مهر، میراث، پخپله خوښه نکاح کول او پر خاوند باندې د مېرمنې نفقه دا د هغوی شرعي حق دی چې باید ورته وسپارل شي تر څو په ټولنه کې الهي قوانین پلي او د شته ناوړه دودونو او بدیو مخه ونیول شي.

دا په داسې حال کې ده، چې په تېر یوه کال کې، د امربالمعروف، نهې عن المنکر او شکایتونو اورېدلو وزارت محتسبینو د هېواد په ټولو ولایتونو کې د مېرمنو د حقونو د ساتنې او ورکړې په موخه د نوي توشیح شوي قانون پر اساس (۱۹۸۹) مېرمنو ته د میراث، خپلې خوښې نکاح، ولور او نورو برخو کې شرعي حقونو ته رسېدنه کړې او په دې برخه کې د شته ستونزو مخه یې نیولې ده.

تازه ترین اخبار

پنجشنبه ۱۴۰۵/۸/۲۸ - ۹:۹
Background image

فشرده فعالیت‌های وزارت امر بالمعروف، نهی عن المنکر و سمع شکایات در یک هفته


محتسبین و مبلغین و وزارت امر بالمعروف، نهی عن المنکر و سمع شکایات در جریان یک هفته، در راستای تطبیق احکام شریعت اسلامی، تأمین حقوق شرعی شهروندان، اصلاح جامعه، رسیدگی به شکایات مردم و. . .

چهارشنبه ۱۴۰۵/۸/۲۷ - ۹:۲۲
Background image

برگزاری برنامه‌های اصلاحی و آگاهی‌دهی دینی به‌منظور تطبیق احکام شرعی در مراسم نامزدی و عروسی در چهار ولایت

محتسبین وزارت امر بالمعروف، نهی عن المنکر و سمع شکایات در ولایت‌های تخار، لغمان، ننگرهار و کابل، نشست‌های اصلاحی و آگاهی‌دهی دینی را با اشتراک صدها تن از علمای دین، بزرگان قومی و جوانان. . .

چهارشنبه ۱۴۰۵/۸/۲۷ - ۹:۱۴
Background image

از دو مورد نکاح تحمیلی بر زنان در ولایت‌های پروان و زابل جلوگیری شد

منسوبین وزارت امر بالمعروف، نهی عن المنکر و سمع شکایات، به‌منظور رسیدگی به شکایات مردمی و تأمین حقوق شرعی زنان، از دو مورد نکاح تحمیلی بر زنان در ولایت‌های پروان و زابل جلوگیری کردند.

. . .

BACK TO NEWS