شیخ محمد خالد (الحنفي) د یوناما له مشرې سره ولیدل

org_admin
چهارشنبه ۱۴۰۱/۸/۴ - ۱۲:۲۰
د امر بالمعروف نهی عن المنکر او شکایتونو اوریدلو وزارت سرپرست وزیر شیخ محمد خالد (الحنفي) تیره ورځ په خپل کاري دفتر کې د یوناما له نوې مشرې روزا اوتونبایوا سره ولیدل. نوموړې د خبرو په پیل کې د ملاقات د منلو له امله له سرپرست وزیر څخه مننه وکړه او بیا یې زیاته کړه چې تاسو ته معلومه ده قرغزستان کې الحاد حاکم و خو اوس خلک غواړي د اسلام له مزایاوو او ګټو خبر شي او غواړي یوه ښه نسخه ورته وړاندې شي. هغې وړاندې و ویل، ځوانان مو چې ډیره برخه تشکیلوي، خلکو سره ښه روابط، ښه حکومتولي او پرمختللی تعلیم غواړي. سرپرست وزیر شیخ محمد خالد (الحنفي) ورته زیاته کړه چې د نوې دندې په اړه درته موفقیت غواړو، قرغزستان زمونږ ورور هیواد دی، مونږ او دوی دواړو له جبر لاندې وختونه تیر کړي، تاسو همدې ته په کتو ښه نمایندګي کولی شی. همدا راز یې زیاته کړه چې مونږ داسې یوه حکومتولي غواړو چې د ټول ملت نمایندګي وکړي، ټول قشرونه پکې ځان و ویني او په داسې توګه چې د خلکو په زړونو حکومتولي وشي نه په سرونو، چې د مظلوم آه واوریدل شي، تعلیم ته وده ورکړل شي، ناسم رسم او رواج ختم شي او د ښځو سره د ظلم مخنیوی وشي. روزا اوتونبایوا بیا و ویل چې زه هڅه کوم په سفارتونو او ډونرانو غږ وکړم چې افغانستان سره د ښوونځيو او پوهنتونونو برخه کې همکاري وکړي چې شیخ محمد خالد ترې مننه وکړه او و یې ویل نړیوال باید د فشار هڅه و نه کړي بلکې د خبرو او ترغیب له لارې همداسې هر څه ترسره کړو، مونږ داسې حکومتولي غواړو چې د اسلام سمه نمایندګي وکړو. د یادونې وړ دی چې له نوموړې سره په څنګ کې د هغې مرستیال مارکس پوتزل او نور غړي هم موجود و.

تازه ترین اخبار

شنبه ۱۴۰۴/۹/۱۵ - ۱۰:۲۹
Background image

تأکید منسوبین امر بالمعروف ولایت دایکندی بر نقش عبادات در جلوگیری از اعتیاد به مواد مخدر

اداره امر بالمعروف، نهی عن المنکر و سمع شکایات ولایت دایکندی در ادامه برنامه‌ های آگاهی‌ دهی درباره پیامد های اعمال خلاف ارزش ‌های دینی و زیان ‌های مواد مخدر، نشست‌ های اصلاحی را در. . .

شنبه ۱۴۰۴/۹/۱۵ - ۱۰:۳
Background image

پکتیکا کې محتسبینو د ناوړه دودونو د مخنیوي په موخه له دیني عالمانو او قومي مخورو سره ناسته وکړه.

د پکتیکا امربالمعروف، نهی عن المنکر او شکایتونو اورېدلو ریاست د یاد ولایت مرکز ښرنې د بېلابېلو کلیو له دیني عالمانو، قومي مخورو او د مسجدونو امامانو سره د معروفاتو اقامې، منکراتو مخنیوي. . .

شنبه ۱۴۰۴/۹/۱۵ - ۱۰:۳
Background image

یک جادوگر ماهر در ولایت لوگر دستگیر شد

در راستای اجرای دستورات الهی و دفاع  از ارزش‌ های دینی و اخلاقی در جامعه، ریاست امر بالمعروف، نهی عن المنکر و سمع شکایات ولایت لوگر، یک جادوگر را حین انجام اعمال غیرشرعی در مرکز این. . .

BACK TO NEWS