د میدان وردګ ولایت محتسبینو له دیني عالمانو او قومي مخورو سره ولسي ناسته و کړه
د میدان وردګ ولایت د امربالمعروف محتسبینو ددې ولایت له دیني عالمانو، ځوانانو او قومي مخورو سره په جوړه شوې ناسته کې دیني عالمانو ته په خطاب کې وویل، د الهي احکامو په سم ډول د ټولنې تر خلکو رسول مو مسؤلیت دی چې باید تر سره یې کړو.
دا ناسته چې موخه یې په ټولنه کې د معروفاتو اقامه، د منکراتو مخنیوی او په دې برخه کې د دیني عالمانو، قومي مخورو او ځوانانو مرسته وه محتسبینو دیني عالمانو او قومي مخورو ته وویل، د امربالمعرفو وزارت له لوري د ټولنې د سمون په موخه شوې سپارښتنې الهي قوانین دي چې پلي کول یې زمو ږ او ستاسې ګډ مسؤلیت دی چې باید تر سره یې کړو.
دغه راز یې په ناسته کې له دیني عالمانو وغوښتل چې د منبرونو له لارې خلکو ته د اسلام او عباداتو پر لومړنیو خبرې وکړي او خلکو ته په ټولنه کې د امربالمعروف ارزښت بیان کړي.
ورته مهال د ناستې ګډون والو د محتسبینو له لوري د داسې ناستو جوړول له اسلامي نظام سره د ولس د همکارۍ مهم راز وباله او زیاته یې کړه چې په ټولنه کې د حجاب دودول او په ودونو او نورو خوښیو کې د بېځایه دودونو او لګښتونو بندیز یې د ټولنې د ثبات او سمون غوره لار وبلله.
