محتسبینو په میدان وردګ ولایت کې د حقوقي مسائلو پر سر راپورته شوې شخړه حل کړه
د میدان وردګ ولایت محتسبینو د خپل ټولنیز مسؤلیت له مخې د دې ولایت په جغتو ولسوالۍ کې د دوو کورنیو تر منځ د حقوقي مسائلو پر سر راپورته شوې څلور کلنه شخړه حل کړه.
محتسبینو دواړو لوریو ته د ورورولۍ، زغم، ښه ګاونډیتوب او یو بل منلو په اړه د شریعت په رڼا کې سپارښتنې وکړې او له هغوی یې وغوښتل، چې له دې وروسته پخپلو کې د وروڼو په څېر ژوند وکړي.
محتسبین ډاډ څرګندوي، چې هېڅ چاته به اجازه ور نکړي چې د قومي او ژبنیو دښمنیو پر اساس بې اتفاقي را منځته کړي او په پوره توان به د هغو پېښو مخه نیسي چې په هېواد کې راغلي امن او د ورورولۍ فضا ته ګواښ پېښوي.
د یادولو وړ ده، چې د یاد ولایت محتسبینو تر دې وړاندې هم په دې ولایت کې د لسګونو قومي او ژبني دښمنیو مخه نیولې او په دې پار به یې کړنې لا هم دوام ولري.
