غزني کې یوه مېرمن له غیر شرعي نکاح څخه وژغورل شوه
غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د محتسبینو له لوري پر یاده قضیه له خبرېدو وروسته د دې ناوړه پېښې مخه ونیول شوه او یاده مېرمن له جبري نکاح څخه وژغورل شوه.
محتسبین وایي: یاده مېرمن چې خاوند یې وفات شوی و د خسرګنۍ غړو یې غوښتل، چې د هغې له خوښې پرته یې په نکاح ورکړي او له خپلو شرعي حقونو یې بې برخې کړي، چې د محتسبینو له لوري یې مخه ونیول شوه او له خپلو شرعي حقونو برخمنه شوه.
د یادولو وړ ده، چې د امر بالمعروف، نهي عنالمنکر او شکایتونو اورېدلو وزارت مسؤلین د مېرمنو د حقونو خوندیتوب خپل لومړیتوب ګڼي او زیاتوي، چې هیچاته به اجازه ور نه کړي، چې د مېرمنو حقونه تر پښو لاندې کړي.
