مولوي محمد یوسف منیب : اسلامي امارت دنېشنلیستۍ او قوم پالنې ادرس نه دی .
د هرات ولایت د امر بالمعروف نهی عن المنکر اوشکایتونو اورېدو امریت له لوري د اطفایې په ریاست کې ناسته تر سره شوه.
په یاده ناسته کې د امربالمعروف د محتسبینو سربېره دیاد ریاست کارمندانو هم ګډون درلود.
ناستې ته مولوي محمد یوسف منیب پخپلو خبرو کې وویل:
هغه کارمندان چې په دې ریاست او مختلفو ارګانونو کې کار کوي سیرت او صورت یې باید په اسلامي طریقه وي؛ چې په خبره یې هر ملت اونظام ځانته اولیتونه لري چې زموږ لپاره اولیت ځان او ټولنه په هغه طریقه جوړول لکه څرنګه چې د اسلام دمقدس دین غوښتنه ده او زموږ لپاره نه ښایي چې د اسلامي نظام تر چتر لاندې د پردي کلتور او قانون پیروي وکړو.
همدارنګه نوموړي وویل:
زموږ اخلاق او له خلکو سره چلندباید په اسلامي طریقه وي لکه څرنګه چې د اسلام په اوایلو کې زموږ رهبرانو له خلکوسره اختیار کړی وه.
نوموړي همدا راز په مسؤلینو غږ وکړ چې هیڅ کله دې هم په دولتي ادارو کې له قوم پرستي ،ژب پرستي نه کار نه اخلي او کار دې اهل کار ته وسپارل شي ځکه اسلامي امارت د ټولو ګډ کور دی او هر څوک پکې د شتون حق لري.
په دې برخه کې باید د امر د امر اطاعت وشي ځکه امران دا نه غواړي چې نظام دي د نیشنلیزم ادرس وي.
منیب همدارنګه پخپلو خبرو کې وویل:
هغو کسانو ته چې امیر المؤمنین عفوه کړې هغوۍ ته له پیغور ورکولو او بدو الفاظو له کارولو ډډه وشي ځکه چې زموږ لپاره تر دې دا مهمه ده چې فاسد او مغرِض کسان باید لیکو ته داخل نه کړو او د خواله رسنیو بې ځایه خبرو او افواهاتو ته غوږ وه نه نیسو او د خپلو امرانو په خبرو باید عمل وکړو ځکه چې د امر په اطاعت کولو کې مو د دنیا او اخیرت ګټه ده .
نوموړي همدا راز په مسؤلینو غږ وکړ چې د اسلامي امارت مرسته او همکاري وکړي تر څو د په ځان بسیا دولت خاوندان شو چې، د یاد ریاست کارمندانو ورته د هر ډول مرستې او همکاري ډاډ ورکړ او ناسته د دعایې په ویلو پای ته ورسېده.
