امربالمعروف، نهي عن المنکر او شکایتونو اورېدلو وزارت په اونۍ کې

fazli_admin
پنجشنبه ۱۴۰۵/۷/۳۰ - ۸:۵۳
whatsapp_image_2026-10-21_at_3.04.31_pm.jpeg

۱- اصلاحي ناستې

د امربالمعروف، نهي عن المنکر او  شکایتونو اورېدلو وزارت محتسبینو او مبلغینو په دې اونۍ کې د معروفاتو اقامې، منکراتو مخنیوي، ناسمو دودونو د اصلاح او د عامه پوهاوي د لوړولو په موخه، له دیني عالمانو، قومي مشرانو، د ګذر له وکیلانو او د ټولنې له بېلابېلو اقشارو سره نږدې ۷۰۰ اصلاحي غونډې ترسره کړې دي.

همدارنګه، د یاد وزارت نظامي محتسبینو د امربالمعروف او نهي عن المنکر وزارت د قانون او د امیرالمؤمنین حفظه‌الله د فرامینو د تطبیق په موخه، په کابل او ځینو ولایتونو کې د یو شمېر امنیتي ارګانونو له مسؤولینو او مجاهدینو سره اصلاحي او د ګډې همکارۍ په موخه ناستې کړې دې.

 بل خوا، د یاد وزارت محتسبینو د بازارونو د تنظیم، د احتکار او ګران‌پلورنې د مخنیوي او په پېر او پلور کې د شرعي احکامو د رعایت په موخه، له سوداګرو او هټۍوالو سره تر ۲۰۰ ډېرې اصلاحي او د پوهاوي غونډې کړې دي، چې په دې ناستو کې پر دې ټینګار شوی چې له دوکې، خیانت او نورو شرعي امورو خلاف کړنو څخه ډډه وکړي.

۲- د رسنیو څارنه

د امربالمعروف، نهي عن المنکر او شکایتونو اورېدلو وزارت د اطلاعاتو او نشراتو ریاست مسؤلینو د یاد وزارت د مهمو فعالیتونو او لاسته راوړنو د خپرولو ترڅنګ، په رسنیو او ټولنیزو شبکو کې د لسګونو سرغړونو مخنیوی کړی او سرغړوونکو ته یې سپارښتنه کړې، چې د خپلو خپرونو د محتوا د نشر او خپرولو پر مهال د اسلامي شریعت احکام او دیني ارزښتونه رعایت کړي. ورته مهال، د خوست ولایت محتسبینو یو شمېر هغه غږیږې سټوډیوګانې تړلې چې د شرعي احکامو خلاف کړنې یې تر سره کولې.

۳- د کوډګرو نیول

 محتسبینو د خرافاتو پر وړاندې د مبارزې او د اسلامي ارزښتونو خلاف کړنو د مخنیوي په موخه، په دې اونۍ کې په پکتیکا، تخار، لغمان، ننګرهار او سرپل ولایتونو کې ۱۴ هغه کسان نیولي چې د جادوګرۍ په کړنو بوخت وو او د شرعي پرېکړې د ترسره کېدو په موخه یې عدلي او قضایي ارګانونو ته ورپېژندلي دي.

۴- د شخړو حل او د دښمنیو پای ته رسول

محتسبینو د سولې د ټینګښت، د اسلامي ورورولۍ د پیاوړتیا او د اختلافاتو د کمولو په موخه، د دیني علماوو او قومي مشرانو په همکارۍ ۱۲ اوږد مهاله دښمنۍ او ۶۲ کورنۍ، قومي او سیمه‌ییزې شخړې د اسلامي شریعت له احکامو سره سمې حل کړې او د ښکېلو لورو تر منځ یې روغې جوړې ته لار هواره کړې.

۵- د ښځو شرعي حقونو ته رسېدنه

 محتسبینو په دې اونۍ کې د ښځو د شرعي حقونو اړوند ۱۲۸ قضیو ته رسېدنه کړې ده.  چې په دغو قضیو کې ظلم، جبري نکاح، میراث، ولور، نفقه او طلاق قضیې شاملې دي چې د محتسبینو له لوري حل شوې دې.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS