مولوي عبدالحکیم حقاني د امر بالمعروف نهی عن المنکر او شکایتونو اورېدو وزارت کې د ارشاد و دعوت رئیس وټاکل شو.
دا په داسې حال کې ده چې د رئیس الوزرا د حکم پر اساس د هیواد په ټولو وزارتونو کې د اصلاح او سمون په موخه یاد مسؤلین ټاکل کېږي چې په وزارتونو کې د منکراتو مخه ونیسي او مسؤلین خپلو کارونو ته متوجه کړي.
د امر بالمعروف نهي عن المنکر او شکایتونو اورېدو وزارت کې دعوت ارشاد رئیس د ټاکل کیدو په مورِد ناسته رابلل شوې وه ناسته د یاد وزارت د غونډو تالار کې ترسره شوه چې په ناسته کې د یاد وزارت ډېری کارمندانو ګډون درلود .
ناستې ته رئیس دفتر مولوي محمد اسحاق حکیمي پخپلو خبرو کې وویل:
د اسلامي نظام د راتګ لپاره افغانانو بې شمېره قرباني ورکړې اوس له موږ نه هغه قربانۍ او دا نظام ساتنه غواړي نو په موږ لازمه ده چې د نظام ساتنه وکړو.
چې په خبره یې:
د یو نظام ساتنه هغه ده چې کار اهل کار ته وسپارل شي او په دولتي ادارو کې له واسطه بازي او نورو ناروا عملونو نه ځانونه وساتل شي چې په خبره یې مو ږ همدې اصل ته په کتو پر ځای او غوره ګمارنه کړې چې ښاغلی مولوي عبدالحکیم حقاني له تېر تحریک نه شروع د اسلامي امارت هر رنګه اصولو او قوانینو ته ژمن پاته شوی چې په دې لاره کې یې بې شمیره قربانۍ ورکړې.
همدا راز نوموړي وویل:
یاد کسان به په وزارتونو کې اصلاحي کارونه تر سره کوي .
ده همدا راز د امربالمعروف او نورو وزارتونو په کارمندانو غږ وکړ چې دیاد کاري ټیم مرسته او همکاري وکړي چې د امر بالمعروف کارمندانو ورته د هر ډول مرستې او همکاري ډاډ ورکړ او یاده ناسته د دعایې په ویلو پای ته ورسېده.
