محتسبینو د هېواد په درې ولایتونو کې یوولس مېرمنې له کورني ظلم څخه وژغورلې
د امربالمعروف، نهی عن المنکر او شکایتونو اورېدلو وزارت محتسبینو د هېواد په زابل، ارزګان او ننګرهار ولایتونو کې د مېرمنو د حقونو خوندیتوب او په ټولنه کې د مېرمنو پر وړاندې د ناوړه پېښو د مخنیوي په موخه یوولس مېرمنې، چې د ناوړه دودونو په اساس ځورېدلې او له شدید کورني تاوتریخوالي سره مخ وې وژغورلې او له خپلو شرعي حقونو څخه برخمنې کړې.
مسؤلین وایي، چې د مېرمنو د شرعي حقونو د ورکړې قانون له مخې یې په یادو ولایتونو کې یوولس مېرمنې، چې له شدید کورني تاوتریخوالي سره مخ وې او له خپلو شرعي حقونو څخه بې برخې وې ژغورلې او له خپلو شرعي حقونو څخه برخمنې کړې دې.
بلخوا ځایي اوسېدونکي په سیمه کې د ټولو منکراتو او ناوړه پېښو په مخنیوي کې د محتسبینو کړنې ستایي او ډاډ څرګندوي، چې د ټولنې په سمون کې د محتسبینو تر څنګ ولاړ دي.
