شیخ محمد خالد (الحنفي) د ایران سفیر سره وکتل

org_admin
شنبه ۱۴۰۲/۱۲/۲۷ - ۱۴:۳
mopvpe

د امر بالمعروف نهی عن المنکر او شکایتونو اوریدلو وزارت سرپرست وزیر شیخ محمد خالد (الحنفي) افغانستان کې د ایران سفیر سید حسن کاظمي قمي او ورسره هیئت سره وکتل.

لومړی سرپرست وزیر ورته هر کلی او ښه راغلاست و ویلو او بیا هغوی د وخت ورکولو مننه وکړه.

شیخ محمد خالد (الحنفي) د ایران هیواد له لوري د افغانستان اسلامي امارت سفیر منل او سفارت ورته سپارل  وستايل، له هغوی یې د دې کار مننه وکړه، دا یې ایران کې د افغان مهاجرینو لپاره هم یو ستر مسئولیت ادا کول وګڼل چې کلونه یې ښه میلمه پالنه کړې، تر څو د هغوی چارو ته لا ښه رسیدنه وشي.

هغه همدا راز د اسلامي نړۍ په وحدت ټینګار وکړ، یو د بل همکاري یې د ټولو مسئولیت وبللو او زیاته یې کړه چې بریا په وحدت کې دی، د چا تر فشار لاندې باید رانشو، یو بل ته لاسونه ورکړو او یو بل سره همکاري وکړو.

د ایران سفیر کاظمي قمي و ویل زمونږ افتخارات د مستضعفو مسلمانانو حمایت دی، هغه که په هره سیمه کې وي او څنګه چې نورو ته د ایران په امورو کې د مداخلې اجازه نه ورکوو ځان ته هم دا حق نه ورکوو چې د نورو په چارو کې مداخله وکړو، ایران کې لکونه افغان مهاجر میشت دي د سفارت سپارل د هغوی لپاره هم اړین و.

نوموړي زیاته کړه چې ځينې خلک د ښځو د حقوقو موضوع یادوي خو هغوی ته په ريښتينې توګه د ښځو حقوق نه دي معتبر، د ښځو د تعلیم او حقوقو مسئله ستاسو کورنۍ موضوع ده او په سمه توګه یې حل کړئ، لکه څنګه یې چې حق دی، اوسنی حالت آن د تیر نظام د خلکو لپاره هم د خوښې وړ دی او وایی چې اوس د منکراتو مخه په بېسارې توګه نیول شوې ده.

پای کې سرپرست وزیر شیخ محمد خالد (الحنفي) هغوی ته په جواب کې و ویل ځینې کړۍ کوشش کوي چې مونږ د ښځو او تعلیم دښمنان وښيي خو نه اسلام هغه دین دی چې د ښځو حقوق یې خلکو ته واضح کړل او ښځه یې د انسانیت یوه برخه معرفي کړه، مونږ د شریعت په نظر کې نیولو سره د ښځو ټولو حقوقو ورکولو ته ژمن یو.

تازه خبرونه

چهارشنبه ۱۴۰۳/۲/۱۲ - ۱۵:۵۲
Background image

شیخ محمد خالد الحنفي صاحب: ولس ته خدمت کول د اسلامي امارت د چارواکو له دیني مسؤولیتونو څخه دی

په کابل کې د اسلامي امارت د لوړ پوړو چارواکو په ګډون د اسلامي نظام د ټینګښت په موخه د ملت د یووالي او همغږیتوب تر سرلیک لاندې د دي ولایت په اتمه حوزه امپریال کانټینټل هوټل کې یوه لویه. . .

چهارشنبه ۱۴۰۳/۲/۵ - ۸:۵۴
Background image

د امربالمعروف، نهې عن المنکر اوشکایتونو اورېدلو وزارت اړوند د محتسبینو د ښوونې او روزنې ریاست له لوري محتسبینو ته روزنیز سمینار وړاندې شو

د امربالمعروف، نهې عن المنکر او شکایتونو اورېدلو وزارت اړوند د محتسبینو د ښوونې او روزنې ریاست له لوري د دې وزارت د غونډو په تالار کې د پلازمېنې کابل ښاري ریاست محتسبینو ته چی تعداد یې. . .

شنبه ۱۴۰۳/۲/۱ - ۱۵:۱۳
Background image

د امر بالمعروف وزارت سرپرست وزیر د اسلامي همکارۍ سازمان له مرستیال او د افغانستان لپاره ځانګړي استازي، ښاغلي طارق علي بخيت سره ناسته ترسره کړه

په دې ناسته کې په افغانستان کې د اسلامي قوانینو د ټينګښت، اقتصادي پياوړتيا، نشه یې موادو پر وړاندې مبارزې، د اسلامي نړۍ له هېوادونو سره د افغانستان د اړيکو، د ښځو د اسلامي حقونو او نورو. . .

BACK TO NEWS