شیخ صاحب محمد ابراهیم: نظامونه په توره ګټل کېږي او په قلم ساتل کېږي.
د لوګر ولایت د امر بالمعروف نهي عن المنکر او شکایتونو اورېدو ریاست مسؤلینو د لوګر د پوهنې ریاست له مسؤلینو لیدنه وکړه.
په یاده لیدنه کې د ریاست مسؤلینو ته د نظام دتحفظ،د مسؤلیت درک کول او نورو مختلفو موضوعاتو په مورِد مفصلې خبرې وشوې.
ناستې ته مولوي محمد ابراهیم په خبرو کې وویل:د نظام تحفظ او ساتنه پر موږ فرض ده خو له نظام نه موږ هغه وخت ساتنه کولی شو چې موږ مطیع واوسو او د خپلو امرانو حکمونه عملي کړو ځکه چې د امر اطاعت واجب دی نوموړي همدا راز زیاته کړه:
همدا رنګه نوموړي د یاد ریاست له کارمندانو وغوښتل چې خپل ټول لمونځونه په جماعت سره ادا کړي ځکه چې له یوې خوا به دا کار د الله ج رضا او له بلېـخوا د امرانو د اطاعت سبب شوی وي.
همدا رنګه ښاغلي له کارمندانو وغوښتل چې خپلوـ کارونو ته هغسي ژمن پاته شي لکه څرنګه چې ښایي ځکه چې د یو نظام ساتنه او بقا د هغه نظام په چارواکو پسې اړه لري که چرته د یو نظام چارواکي خپله دنده کما حقهُ ادا کړي نو د هغه نظام بقا او شتون حتمي دی.
همدا رنګه نوموړي په خبرو کې وویل نظامونه په توره ګټل کېږي او په قلم ساتل کېږي چې موږ یې د ګټلو بیعه ادا کړې او د یو اسلامي نظام راتګ ته مو بې شمېره قرباني ورکړې اوس یې د ساتلو وخت دی که په هر قیمت وي چې موږ او تاسي باید د دې نظام ساتنه وکړو.
او له کار مندانو یې وغوښتل چې له خلکو سره له ښه چلند او ښو اخلاقو کار واخلي چې په خبره یې تر څو مو د ولس زړۀ ګټلی وي.
ورپسې یې په کارمندانو غږ وکړ چې د نظام مرسته او همکاري وکړي چې مسؤلینو ورته د هر ډول مرستې او همکاري ډاډ ورکړ او ناسته د دعایې په ویلو پای ته ورسېده
