د غزني ولايت محتسبينو يوه ورځ کې په يوولسو ولسواليو کې فعاليتونه کړي دي
یکشنبه، رمضان ۲۳، ۱۳۴۳
د غزني ولايت محتسبينو په يوه ورځ کې هم مهاله د يوولسو ولسواليو له اوسيدونکو سره ليدنې وکړې او هغوى ته يې د نيکيو د ترسره کولو او له بديو څخه د مخنوي په هکله سپارښتنې وکړې.
دغو محتسبينو په يادو ولسواليو کې د ښوونځيو له ښوونکو او زده کوونکو، هټيوالو،کارګرو، نظامي مسٶلينو، د مسجدونو ملا امامانو او د سيمې اوسېدونکو سره لېدنې وکړې، هغوی ته يې د امربالمعروف وزارت سپارښتنې واورولې او د نيکو کړنو ترسره کولو يې ته را وبلل.
په دې ليدنو کې محتسبينو د يادو ولسواليو اړوند ښوونځيو له زده کوونکو ته دداسلامي علومو او په ځانګړي ډول د قرانکرم، حديثونو او اسلامي عقيدې په زده کړه ټينګار وکړ او په غوښتنه يې چې ښوونکي او زده کوونکي بايد خپل سيرت او صورت د نبي (ص)سنتو او ارشاداتو سره سم جوړ کړي.
دغه راز محتسبينو د ياد ولايت د مرکز او ولسواليو په مسجدونو کې خلکو ته د قدر شپې، د روژې مياشتې د اخېري لسيزې د اعتکاف او ناچارو ته د فطر صدقې ورکولو په فضليتونو مفصل بيانونه وکړل.
همدارنګه د غزني د ګېلان ولسوالۍ محتسبينو له لوري يو تن چې، مبايلونو ته به يې ناوړه فيلمونه لېږل، په احسنه طريقه له ياد ناوړه کار څخه منع شو.
د غزني ولايت محتسبينو د ياد وزارت د رهبرۍ د لارښوونو په بنسټ له ګڼ شمې هټيوالو او کارګرانو سره په ليدنه کې له هغوى وغوښتل چې د لمانځه په وخت کې دي خپل دوکانونه بند او د جماعت په لمانځه کې دي ګډون وکړي.
دوى همدا راز د خپل کاري پلان سره سم له نظاميانو او ملکي خدمتونو کارکوونکو سره لېدنې ترسره کړې، هغوى ته يې د امربالمعروف وزارت سپارښتنې بيان کړې او له دوى يې وغوښتل چې په دولتي ادارو د کم عمره هلکانو له ګمارنې په کلکه ډډه وکړي او خپل سيرت او صورت د نبوي ارشاداتو سره سم عيار او د جماعت د لمانځه پابندي وکړي.
د يادونې وړ ده چې، د غزني ولايت اوسېدونکو د اسلامي اصولو په تطبيقولو کې محتسبينو ته د همکارۍ ډاډ ورکړ او د دوى له کړنو يې خوښي څرګنده کړه.
