د امر بالمعروف، نهې عن‌المنکر او شکایتونو اورېدلو وزیر د ټولو وزارتونو او مستقلو ادارو د دعوت او ارشاد له رئیسانو سره ناسته وشوه

fazli_admin
چهارشنبه ۱۴۰۴/۶/۱۹ - ۱۴:۴۵
This text will be used by screen readers, search engines, or when the image cannot be loaded.

د امر بالمعروف، نهې عن‌المنکر او شکایتونو اورېدلو وزارت وزارت له لوري د یاد وزارت وزیر شیخ الحدیث محمد خالد الحنفي او د دعوت او ارشاد لوی رئیس قاري شریف الله حقاني په شتون کې د یاد وزارت د غونډو په تالار کې د ټولو وزارتونو او مستقلو ادارو د دعوت او ارشاد له رئیسانو سره د همغږۍ او د‌ دعوتي چارو لا ښه ترسراوي په موخه ناسته وشوه.

ناستې د امر بالمعروف، نهې عن‌المنکر او شکایتونو اورېدلو وزارت وزیر شیخ الحدیث محمد خالد الحنفي صاحب په خپلو خبرو کې وویل، تاسو د ټولنې د اصلاح لپاره غوره کړل شوي یاست. دا مه هېروئ چې تاسې ته ستر مسؤولیت او ډېر مهم کار در پر غاړه دی؛ تاسې به خلک نېکیو ته رابولئ او له بدیو به یې منع کوئ.

ښاغلي شیخ صاحب ټینګار وکړ، چې په خپلو دعوتي چارو کې به د چا د موقف پروا نه کوئ؛ هر مسؤول او کارمند خپلو نیمګړتیاوو ته متوجه کړئ او زیاته یې کړه، چې علماء کرام د پیغمبرانو علیهم السلام د وارثینو په توګه مسؤولیت لري، چې د هغوی مقدسه تګلاره تعقيب کړي او په خپلو دعوتي چارو کې د الله تعالی د رضا پر وړاندې د هیچا پروا ونه کړي.

نوموړي وویل، دا وزارت د ټولنې فکري او عقیدوي اصلاح خپل مسؤولیت ګڼي او په دې برخه کې یې په تېرو څلورو کلونو کې ګڼې لاسته راوړنې لرلې دي، دا چې اسلام د اسانۍ دين دی، په دې معنی نه ده چې دیني شعائر له پامه وغورځول شي؛ پکار ده چې د اسلام مبارک دین ټول احکام بشپړ پلي کړو.

یاده دې وي چې یادې ناستې په اوږدو ګډون والو د ناستې په جوړېدا خوښي وښوده او زیاته یې کړه چې ورته ناستې د دعوتي چارو د لا ښه ترسراوي او ستونزو حل کې ګټورې دي.

په پای د غونډې ګډون والو خپلې ستونزې، او د دعوتي چارو لاښه ترسراوي په موخه وړانديزونه شریک کړل او د ورته لا ډېرو ناستو غوښتنه یې وکړه.

هیره دې نه وي، چې د امر بالمعروف، نهې عن‌المنکر او شکایتونو اورېدلو وزارت اړوند د دعوت او ارشاد لوی ریاست له دې وړاندې هم د همغږۍ په موخه د ټولو وزارتونو او مستقلو ادارو د دعوت او ارشاد له رئیسانو سره ورته ناستې ترسره کړي دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS