د امر بالمعروف، نهي عن المنکر او شکایتونو اورېدلو وزارت د روان ۱۴۰۵هـ. ل کال د سرطان میاشتې د کړنو او لاسته راوړنو راپور

fazli_admin
شنبه ۱۴۰۵/۵/۳ - ۱۰:۴
d_srtan_d_myashty_lasth_rawny

د امر بالمعروف، نهي عن المنکر او شکایتونو اورېدلو وزارت مسؤلینو د روان (۱۴۰۵) لمریز کال په سرطان میاشت کې د هېواد په کچه د بدو او ناوړه دودونو د مخنیوي، د قومي او کورنیو دښمنیو حل، عامه ذهنیت د سمون، د مېرمنو د حقونو خوندیتوب، کوډګرو د نیولو او له سوداګرو سره په اصلاحي ناستو کې ګڼ شمېر لاسته راوړنې درلودې.

د امربالمعروف، نهی عن المنکر او شکایتونو اورېدلو وزیر شیخ الحدیث مولوي محمد خالد الحنفي ولایتي سفرونه:

د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي د خپلو ولایتي سفرونو په دوام د هېواد شمالي، شمال ختیځ، ځتيځ، سوېل ختیځ، لوېدیځ او مرکزي زونونو له دیني عالمانو، قومي مخورو او متنفذینو سره د وزارت د قانون د تطبیق او په برخه کې د ګډې همکارۍ په موخه ناستې وکړې او د سفرونو دا لړۍ به دوام ولري. 

 د مېرمنو حقونو ته رسېدنه:

د امربالمعروف، نهي عن المنکر او شکایتونو اورېدلو وزارت محتسبینو په ټول هېواد کې د مېرمنو د حقونو په برخه کې ۳۸۸ بېلا بېلو قضیو ته رسېدنه کړې، چې په یادو قضیو کې ۴۶ د میراث، ۳۶ د ولور، ۱۹۹ د کورني تاوتریخوالي، ۳۳ د اجباري نکاحګانو، ۲۸ د نفقې د ورکړې، ۲۷مېرمنو ته د شرعي نکاح د زمینې برابرولو او ۱۹ د طلاق قضیې حل شوې دي.

 د کوډګرو نیول:

محتسبینو په ټولنه کې د خرافاتي کړنو د مخنیوي او د سالمې اسلامي ټولنې د جوړولو په موخه په تېره سرطان میاشت  کې په بېلا بېلو ولایتونو ۳۲ کوډګر نیولي او د شرعي پرېکړې په موخه یې اړوندو ارګانونو ته سپارلي دي.

له سوداګرو او هټۍوالو سره اصلاحي ناستې:

ورته مهال محتسبینو د هېواد په ټولو ولایتونو کې د سالم اقتصادي نظام د جوړولو، نرخونو کنټرول، تاریخ تېرو او بې کیفیته موادو له منځه وړلو، سود، احتکار او په ترازو کې د خیانت د مخنیوي په موخه له سوداګرو او هټۍوالو سره ۷۱۰ اصلاحي ناستې کړې او نږدې ۱۰ ټنه تاریخ تېر توکي یې سوځولي دي.

 د خپلمنځي، قومي او ژبنیو دښمنیو حل:

د امربالمعروف، نهي عن المنکر او شکایتونو اورېدلو وزارت محتسبینو د یووالي، قومي او ژبنو تعصباتو د مخنیوي په موخه ۴۹ لویې قومي دښمنۍ پر دوستۍ بدلې کړې او ۱۷۵ بېلا بېلې لویې او وړې شخړې یې حل کړې دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS