محتسبینو په نورستان، فاریابو او بلخ ولایتونو کې محتسبینو څلور تنه خطر ناک کوډګر نیولي دې
د امر بالمعروف، نهی عن المنکر او شکایتونو اورېدلو وزارت اړوند د فاریاب، بلخ او نورستان ولایتونو محتسبینو د خپلو کړنو پر مهال څلور تنه هغه کوډګر چې د دم او تعویذ په نومونو یې د کورنیو ترمنځ نفاق او ستونزې راولاړولې او له مېرمنو څخه یې د پیسو په بدل کې د کوډو او جادو ناوړه کړنې تر سره کولې له ګڼ شمېر سحري کتابونو او غیر شرعي تعویذونو سره یوځای نیولي دي.
مسؤولین وایي: څلور تنه هغه خطر ناک کوډګر یې د جادو له وسایلو سره یو ځای نیولي چې د کورنیو ستونزو د حل په پلمه یې له مېرمنو څخه پیسې اخیستلې او ناروا کړنې یې تر سره کولې نیولي، چې د لا نورو څېړنو په موخه به عدلي او قضایي ارګانونو ته ور وپېژندل شي.
محتسبین همدا زار ډاډ څرکندوي، چې هېڅ چا ته به اجازه ورنه کړي، څو په ټولنه کې خرافاتي او غیر شرعي کړنې ترسره کړي او له خلکو غواړي چې د ورته شومو پدیدو په له منځه وړلو کې له محتسبینو سره همکاري وکړي.
دا په داسې حال کې ده، چې د امر بالمعروف وزارت له لوري د کوډګرو پر کړنو له بندیز ورووسته د پلازمېنې کابل په ګډون د هېواد په ټولو ولایتونو کې زرګونه کوډګر او هغه کسان نیول شوي چې غیر شرعي کړنې یې تر سره کولې او په دې پار یې کړنې لا هم دوام لري.
