شیخ محمد خالد (الحنفي) د هټیوالو اتحادیې له مسئولینو سره وکتل
د امر بالمعروف نهی عن المنکر او شکایتونو اوریدلو وزارت سرپرست وزیر شیخ محمد خالد (الحنفي) د هټیوالو اتحادیې له مسئولینو سره په خپل کاري دفتر کې وکتل.
په یاده لیدنه کې د اتحادیې د غړیو په استاز ولۍ محمد نادر قرغه یي او مرستیال یې شیرین اغا خبرې وکړې او ژمنه یې وکړه چې هر ډول همکاري ته ژمن دي په خپله ټولنه کې به د معروفاتو د اقامې او د منکراتو په ازاله کې هیڅ ډول هڅې و نه سپموي .
شیخ محمد خالد حنفي هغوی ته د ښه راغلاست تر څنګ وویل چې خپل مشکلات د حل په موخه له دوی سره شریک کړي تر څو موږ وکولی شو د خپلو هیواد والو ر یښتونی خدمت وکړو.
محمد خالد الحنفي همدا رنګه د اتحادیې له غړیو په ځانګړې توګه غوښتنه وکړه چې پخپلو کارونو کې له اخلاص څخه کار واخلي څو تجارتي کارونه د اسلامي احکامو سره سم تر سره کړي او په دې برخه کې د منکراتو مخه ونیول شي.
د یادونې وړ دی چې یاده اتحادیه له تېرو ۳۸کلونو راهیسې په دې برخه کې د هیواد والو خدمت کوي او د هیواد په ۱۹ ولایتونو کې فعالیتونه لري چې د ولایتونو څخه بغیر یواځې په پلازمینه کابل کې ۱۲۰زره کسان پکې غړیتوب لري چې د کسبه کارانو مختلف صنفونه پکې راټول دي.
