د کابل ښار پنځلسمې او شپاړلمسې حوزو کې د کم عمره او بې ږيرې کسانو تصفیه پیل شوه
چهاشنبه، ذالقعده ۸، ۱۴۴۳
د امربالمعروف وزارت له لوري جوړ شوی ۱۵ کسيز هئت چې مشري يې د دې وزارت د ازله منکراتو رئيس مولوي راز محمد حامد پر غاړه وه د کابل ښار د پنځلسمې او شپاړلسمې حوزې له نظامي منسوبینو سره لیدنه وکړه.
د ازاله منکراتو رئيس یادو حوزو ته په ورتلو سره د دې حوزو له جنايي، ښوونې او روزنې او محبس له څانګو څخه لیدنه وکړه او هغوی ته يې د وزارت هغه فرمان واوراوه چې سیرت او سورت په نبوي سنتو برابر کړي.
نوموړي وویل: مجاهدین د ټولڼې د سر سترګې دي او تر هر چا وړاندې باید دوی خپل صورت او سیرت په نبوي سنتو برابر کړي او بیا د خلکو خدمت وکړي.
هغه زیاته کړه: دا قطعي امر دی چې کم عمره او بې ږيرې کسان باید له نظامي لیکو څخه وایستل شي او هغوی چې د کم عمرو کسانو د جذب له پاره واسطه کوي قانوني چلند به ورسره کېږي.
مولوي راز محمد حامد د دې منکراتو د مخنيو پر مهال له دېوالونو د ااا د ځينو رهبرانو انځورونه هم ایسته کړل او مجاهدینو ته يې سپارښتنه وکړه چې له خپلو رهبرانو سره مینه په عمل کې څرګنده کړئ.
د ازاله منکراتو رئيس په ټینګار سره وویل چې د امربالمعروف وزارت له تېرو نهو میاشتو راهیسې مجاهدینو ته سپارښتنې کوي چې صورت او سیرت په نبوي سنتو برابر کړي خو اوس د دې سپارښتنو د تطبیق وخت رارسېدلی دی او په ټولو مجاهدينو به په عملي ډول پلی کېږي.
مولوي حامد زیاته کړه: د امیــ رالمو مــــنیــــ ن د فرمان سره سم، ان د تېر نظام کارکونکي هم د مجاهدینو په لیکو کې دندې ترسره کوي او دا کارکونکي مکلف دي چې صورت او سیرت په نبوي سنتو برابر کړي.
