د میدان وردګو، په امنیه قومندانۍ کې د قران عظیم الشان ختم ترسره شو
۱۴۴۳/۹/۱۵
تیره شپه د میدان وردګو ولایت، په امنیه قومندانۍ کې د تراویحو په لمانځه کې د الله ج د سپېڅلي کلام ختم تر سره شو.
په همدغه مناسبت جوړه شوې غونډه کې، مرستیال والي شیخ شیراحمد حقاني همدا شان د دولتي ادارو مشرانو او ګڼ شمېر مجاهدینو ګډون کړی ؤ.
د قرآن عظیم الشان له ختم وروسته مجلس ته د امربالمعروف رئیس مولوي محمد عالم ناصح په خپله وینا کې داسلامي نظام ترچترلاندې دختم دفضیلت له وضاحت وروسته مجاهدین او د ادارې پرسونل وهڅول، ترڅوخپل صورت او سیرت د شریعت له سپیڅلې تګلارې سره سم برابر کړي، دغه شان ښاغلي ناصح وویل: «د مشرتابه ټولو فرامینو ته باید د عمل جامې ورواغوندواودمجاهدینومربوط دمشرتابه دڅوفرامینویادونه يې وکړه لکه دڅڼوپه هکله,دکشرانولغړزنو,دشهیدانواومشرانودتصویرونوپه موټرانواوپارکونو,او.........په هکله؛او په وینایي، اوس د اسلامي نظام د ونې څانګې یو، باید د همدې ونې همرنګه میوې ټولنې ته وړاندې کړو.اوالحمدلله چې نن توره,چوکۍ,ادارات,پرسونل,ټولدقرآن ترحکم لاندې دقرآن په ژبه خبرې کوي »
د میدان وردګو امنیه قومندان شیخ محمدشریف حلیمي د غونډې ګډونوال د لوی رب شکر ته وهڅول او زیاته یې کړه، تېر کال همدا شپې وې، چې د ازادۍ او اسلام نظام په لټه کې مو د کاڼو مزلونه مل وو، دا چې اوس دنګ تعمیرونه لوی رب د دین د خدمت لپاره راکړل، باید د دین خدمت وکړو او د تللو شازلمو آرمانونه هېر نه کړو.
