شیخ الحدیث مولوي محمد  خالد الحنفي: موږ به ان شاء الله راتلونکي نسل ته بشپړ اسلامي نظام په میراث پرېږدو

fazli_admin
Sat, Jul 18 2026 3:20 PM
sfr_wzyr_sahb_bh_zwn_shrq_nngrhar27_srtan

د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي د ولایتي سفرونو په دوام، مشرقي زون ولایتونو ته د رسمي سفر پر مهال په ننګرهار کې، د ننګرهار، کونړ، لغمان او نورستان ولایتونو له دیني عالمانو، قومي مخورو او متنفذینو سره د یاد وزارت د قانون په تطبیق، معروفاتو اقامې او د منکراتو په مخنیوي کې د ګډې همکارۍ په موخه ناسته وکړه.

شیخ صاحب په خپلو څرګندونو کې وویل: موږ به ان شاءالله راتلونکي نسل ته بشپړ اسلامي نظام په میراث پرېږدو او تاریخ به شاهد وي، چې موږ ته به دعاوې کېږي او په وینا یې: ټولو ته د ټولنې د سمون دروند الهي مسؤلیت را له غاړې دی، که مو په اخلاص کار و نه کړ او الهي قوانین مو تطبیق نه کړل، د قیامت په ورځ به موږ او تاسې د الله جل جلاله په وړاندې مسؤل یو.

شیخ صاحب زیاته کړه: د یرغلګرو د فکري جګړې د پالیسي لومړنی اصل دا و، چې عوام یې پر علماء کرامو بد ګمانه کول او له دین څخه یې متنفر کول. کله چې خلک د علماوو مجالس پرېږدي، نو دښمن یې په ډېره اساني تر فکري برید لاندې نیسي او مغلوبوي یې.

دغه راز شیخ صاحب دیني عالمانو او مشرانو ته په خطاب کې وویل: کله چې علماء او مشران له حکومت سره ولاړ وي، هېڅ دښمن یې پر وړاندې نه شي درېدلی او نه دښمن خپلو شومو اهدافو ته رسېدلی شي.

د یادولو وړ ده، چې د امربالمعروف، نهي عن المنکر او شکایتونو اورېدلو وزیر شیخ الحدیث مولوي محمد خالد الحنفي تر دې وړاندې هم د خپلو ولایتي سفرونو په لړ کې د مرکزي زون په ګډون شمالي، لوېدیځ او ختیځ زون په ولایتونو کې له دیني عالمانو، متنفذینو او قومي مخورو سره د یاد وزارت د قانون په تطبیق کې د ګډې همکارۍ په موخه ناستې کړې دي.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS