د امربالمعروف، نهي عن المنکر او شکایتونو اورېدلو وزارت قدرمن وزیر شیخ الحدیث الحاج مولوی محمد خالد الحنفي د شمالي ولایتونو د سفر په لړ کې؛ بلخ کې له دیني عالمانو او قومي مخورو سره ناسته وکړه

fazli_admin
Mon, Jul 06 2026 2:31 PM
sfr_wzyr_sahb_bh_blkh_15_srtan_1405

 د امربالمعروف، نهي عن المنکر او شکایتونو اورېدلو وزیر، شیخ الحدیث الحاج مولوی محمد خالد الحنفي شمالي ولایتونو ته د خپل رسمي سفر پر مهال په بلخ  کې د فاریاب، سمنګان، جوزجان، بلخ  او سرپل ولایتونو له دیني عالمانو، قومي مخورو، متنفذینو او مسؤلینو سره د امربالمعروف، نهي عن المنکر او شکایتونو اورېدلو وزارت د شرعي قانون د تطبیق، د معروفاتو اقامې او د منکراتو د مخنیوي په موخه د همغږۍ ناسته وکړه.

محترم شیخ صاحب د ناستې ګډونوالو ته وویل: تاسې علماء یاست، ستاسې مسؤلیت دی، چې الهي احکام په هغه ډول تر خلکو ورسوئ، چې څنګه حق دي، تر څو په ټولنه کې د بدیو مخه ونیول شي او الهي قوانین تطبیق شي.

شیخ صاحب زیاته کړه: داسې فکر و نه کړئ، چې په نېکو امر او له بدیو منع یوازې په یاد وزارت پورې منحصر دي. علماء د انبیاوو علیهم السلام وارثین او د دین تنفیذونکي دي.

دغه راز شیخ صاحب د خپلو خبرو پر مهال دیني عالمانو، متنفذینو او قومي مخورو ته په خطاب کې وویل: دښمنانو پر اسلامي نظام د خلکو د بې اعتمادي لپاره تبلیغاتو ته ملا تړلې ده؛ پام کوئ چې تاسې غافل نه شئ.

د ناستې په پای کې له یادو ولایتونو راغلو علماء کرامو، متنفذینو او قومي مخورو هم خبرې وکړې او له محتسبینو سره مرسته او په ټولنه کې د معروفاتو اقامه او د منکراتو مخنیوی یې خپل شرعي مسؤلیت یاد کړ.

د یادولو وړ ده، چې د امربالمعروف، نهي عن المنکر او شکایتونو اورېدلو وزیر شیخ الحدیث محمد خالد الحنفي د یاد سفر په دوام تېره ورځ په کندز کې د بدخشان، تخار او بغلان ولایتونو له دیني عالمانو، متنفذینو او قومي مخورو سره هم ناسته وکړه او د ولایتي سفرونو دا لړۍ به دوام ولري.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS