اروزګان کې محتسبینو څلور مېرمنې له ظلم څخه وژغورلې
د اروزګان ولایت د امربالمعروف ریاست محتسبینو په مرکز ترینکوټ او چهارچینو ولسوالي کې څلور مېرمنې چې له اوږدې مودې راهیسې د خپلو خاوندانو او کورنیو له لوري له ناوړه چلند او سخت کورني تاوتریخوالي سره مخ وې وژغورلې.
د یاد ریاست مسؤلین په دې تړاو وایي: د یادو مېرمنو له جملې، چې ځینې یې له اوږدې مودې راهیسې د خپلو خاوندانو د ناوړه چلند له امله د پلرونو په کورونو کې اوسېدلې او بې سرنوشته پاتې وې، د محتسبینو په هڅو بېرته له خپلو خاوندانو سره یو ځای او له خپلو شرعي حقونو څخه برخمنې شوې.
د یادولو وړ ده، چې د امر بالمعروف، نهي عن المنکر او شکایتونو اورېدلو وزارت محتسبینو د مېرمنو د حقونو د ورکړې او په دې برخه کې د غیر شرعي کړنو د مخنیوي په موخه زرګونه مېرمنې له کورني ظلم، جبري ودولو او کورنيو بند خونو څخه ژغورلې او زرګونو مېرمنو ته یې د میراث، نفقې، ولور او پخپله خوښه د نکاح حقوق سپارلي دې.
