خوست کې دوه نجونې له ۱۳ کلن کورني ظلم څخه وژغورل شوې
د خوست ولایت د امربالمعروف، نهی عن المنکر او شکایتونو اورېدلو ریاست محتسبینو د مرکز اړوند لکڼو سیمه کې دوه هغه نجونې له ۱۳ کلن کورني ظلم څخه وژوغورلې چې د یوې او بلې په بدل په جبري توګه واده کړل شوې وې.
محتسبین زیاتوي، چې یادې نجونې له تېرو ۱۳ کلونو راهیسې د کورنیو ستونزو له مله د پلرونو پر کورونو ناستې وې او له رواني فشارونو او ناوړه ټولنیز چلند سره مخ وې چې د محتسبینو په هڅو او
د دیني عالمانو او قومي مخورو په منځګړیتوب دواړو کورنیو ته د یادو نجونو پر وړاندې شوی ظلم او ناروا چلند په څرګند ډول بیان کړ او د شرعي او ټولنیزو اصولو په رڼا کې یې د دواړو لوریو ترمنځ روغه جوړه وکړه.
محتسبینو د دیني عالمانو او قومي مخورو په منځګړیتوب د شوې پرېکړې له مخې، دواړو نجونو ته د بدل واده د فسخ کولو او په خپل اختیار په بل مناسب ځای کې د واده کولو شرعي او قانوني حق ورکړ.
