د امر بالمعروف وزارت د شکایتونو اورېدلو معین زابل او روزګان ولایتونو ته سفر وکړ

fazli_admin
Mon, Jan 05 2026 9:08 AM
myn_amrbalmrwf_bh_arzgan_w_zabl_sfr_krd-15_jdy.jpeg

د امر بالمعروف، نهی عن المنکر او شکایتونو اورېدلو وزارت اړوند د شکایتونو اورېدلو معین شیخ صدیق الله او ور سره مل پلاوي د وزارت مقام د رهبرۍ پر اساس له امارتي مسؤلینو، دیني عالمانو، قومي مخورو، سوداګرو، د بېلا بېلو اتحادیو له غړو او ځایي خلکو سره د همغږۍ، د امر بالمعروف وزارت د نوي جوړ شوي قانون د اورولو او لا ښه تطبیق په موخه زابل او روزګان ولایتونو ته سفر وکړ.

د دې هیئت، چې مشري یې د وزارت د شکایتونو اورېدلو مرستیال شیخ صاحب صدیق الله پر غاړه لري د خپل سفر پر مهال د یادو ولایتونو له امارتي مسؤلینو، دیني عالمانو، قومي مخورو، سوداګرو، د بېلا بېلو اتحادیو له غړو او ځوانانو سره په بېلابېلو ناستو کې له هغوی وغوښتل، چې پخپلو اړوندو برخو کې د وزارت جوړ شوی قانون په پوره توګه پلی کړي او پر هغوی یې غږ وکړ، چې د یاد قانون په پلي کولو کې له محتسبینو سره مرسته وکړي.

د هیئت غړو د ملکي او نظامي ادارو له مسؤلینو وغوښتل چې له خلکو سره له نرم او غوره چلند څخه کار واخلي، ستونزو ته یې پر وخت رسېدنه وکړي او ټینګار یې وکړ چې په امارتي ادارو کې د تخلفاتو په مخنیوي کې له محتسبینو سره مرسته او همکاري وکړي، څو ټاکل شوي قوانین پلي او د شته منکراتو مخه ونیول شي.

دغه راز یې په ټولنه کې د دیني عالمانو، قومي مخورو، سوداګرو او ځوانانو کړنې حیاتي وبللې او له هغوی یې وغوښتل چې د عامه ذهنیت د سمون، د ناوړه دودونو د مخنیوي او د امر بالمعروف وزارت له لوري د جوړ شوي قانون په پلي کولو کې له محتسبینو سره همکاري وکړي.

د یادولو وړ ده، چې د امر بالمعروف، نهی عن المنکر او شکایتونو اورېدلو وزارت له لوري ټاکل شوی هیئت به ټولو ولایتونو ته له ځایي خلکو، دیني عالمانو او ځوانانو سره د همغږۍ او ګډو کړنو په موخه سفرونه وکړي.

Latest news

Wed, Nov 18 2026 9:54 AM
Background image

Religious Awareness and Reform Programs Held in Four Provinces to Promote the Observance of Sharia Rulings at Engagement and Wedding Ceremonies

Officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, held religious awareness and reform meetings in Takhar, Laghman,. . .

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

BACK TO NEWS