د امر بالمعروف، نهې عن‌المنکر او شکایتونو اورېدلو وزارت وزیر بلخ ته سفر وکړ

fazli_admin
Mon, Dec 01 2025 3:28 PM
sfr_wzyr_sahb_bh_blkh_10_qws.jpg

د امر بالمعروف، نهې عن‌المنکر او شکایتونو اورېدلو وزارت وزیر شیخ الحدیث محمد خالد الحنفي صاحب د امر بالمعروف او نهې عن‌المنکر قانون لا ښه پلي کېدو، د ناوړه دودونو مخنیوي، د خلکو د ستونزو اورېدلو، معروفاتو اقامې او منکراتو مخنیوي، همغږۍ او عامه پوهاوي په موخه بلخ ولایت ته ولاړ او د یوې غونډې په ترڅ کې یې د دې ولایت له ملکي او نظامي مسؤولینو، علماء کرامو، قومې مشرانو، ګذر وکیلانو او ګڼ شمېر ځوانانو او زده کړیالانو سره وکتل.

په دې تړاو جوړه شوې ناسته کې، چې د سيمه ییزو مسؤولينو ترڅنګ د نظامي محکمې مرستیال او د امیرالمؤمنین حفظه الله استازو هم ګډون درلود د امر بالمعروف، نهې عن‌المنکر او شکایتونو اورېدلو وزارت وزیر شیخ الحدیث محمد خالد الحنفي صاحب د امر بالمعروف او نهې عن‌المنکر پر ارزښت وغږېد او ویې ویل: د اسلامي شريعت پر سر چاسره معامله نه کوو او خپلې چارې ټولې د خپل شرعي قانون سره سمې مخته وړو.

شیخ صاحب الحنفي زیاته کړه چې په تېرو کلونو کې د ناوړه دودونه له امله د ټولنې ډېری وګړي په ځانګړې توګه خویندې له خپلو حقونو بې برخې وې او ټینګار یې وکړ چې د امر بالمعروف وزارت په ټولنه کې د ناوړه دودونو له منځه وړلو ته ژمن دی او هیچا ته به اجازه ورنکړل شي ترڅو په ناوړه او شریعت خلاف کړنو لاس پورې کړي.

شیخ صاحب همدا راز د خپلو خبرو په دوام کې له محتسبینو وغوښتل ترڅو په خپلو دعوتي او اصلاحي چارو کې له نرمښت او غوره چلند کار واخلي او که چرته مسؤولین منکرات ترسره کوي له هغوی سره نرمي نه ده په کار، باید تیروتنو ته یې پام ور واړوو.

شیخ صاحب همداراز له ځایي مسؤولینو، قومي مشرانو او دیني عالمانو وغوښتل، چې د امر بالمعروف او نهې عن‌المنکر قانون پلي کولو او تر نورو رسولو کې له یاد وزارت سره مرسته وکړي.

ورته مهال ځایي مسؤولینو، قومي مشرانو او دیني عالمانو په خپلو خبرو کې د ټولنې اصلاح او مثبت فکري بدلون کې د امر بالمعروف وزارت ونډه اساسي وبلله او ډاډ یې ورکړ چې د امر بالمعروف او نهې عن‌المنکر قانون پلي کولو ته ژمن دي او یاده برخه کې به بشپړه هڅه کوي.

هېره دې نه وي په یاده ناسته کې د امر بالمعروف او نهې عن‌المنکر قانون په تطبیق کې د علماوو د همکارۍ په تړاو د عاليقدر امیرالمؤمنین حفظه الله فرمان هم په دواړو ملي ژبو ولوستل شو.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS