د امر بالمعروف، نهې عن‌المنکر او شکایتونو اورېدلو قدرمن وزیر د افغانستان د شیعه ګانو عالي کمیسیون له پلاوي سره وکتل

fazli_admin
Mon, Nov 17 2025 11:04 AM
This text will be used by screen readers, search engines, or when the image cannot be loaded.

د امر بالمعروف، نهې عن‌المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي صاحب د همغږۍ او په شیعه مېشتو سیمو کې د شته ستونزو اورېدلو په موخه د افغانستان د شیعه ګانو عالي کمیسیون (۱۴) کسیزه پلاوي سره په خپل کاري دفتر کې وکتل.

د امر بالمعروف، نهې عن‌المنکر او شکایتونو اورېدلو وزارت وزیر شیخ الحدیث محمد خالد الحنفي صاحب په پیل کې راغلي پلاوي ته د ښه راغلاست ترڅنګ وویل: بهرنیو کړیو تل هڅه کړې څو د مسلمانانو ترمنځ اختلافات راپاروي خو موږ باید د هغوی پر وړاندې په کلکه ودرېږو او د اسلامي نظام ريښتينی انځور تر ټولې نړۍ ورسوو.

ښاغلي شيخ صاحب همداراز زیاته کړه، چې د اسلامي نظام ټول مسؤولین د ولس خادمان دي، که چرته څوک له کوم مسؤول څخه شکایت لري په زغرده دې شکایت وکړي، موږ یې اورېدلو او رسېدنې ته ژمن یو.

شیخ صاحب همداراز له راغلي پلاوي وغوښتل ترڅو د ټولنې په اصلاح کې له یاد وزارت سره د تېر په څېر همکار پاتې شي او زیاته یې کړه، چې اوس یې وخت رارسېدلی څو یو موټی شو او ټولنه کې شته ناخوالې له منځه یوسو. 

ورپسې د شيعه ګاڼو د عالي کمیسیون رئیس استاد محمد علي اخلاقي د یاد کمیسیون د فعاليتونو په تړاو قدرمن شيخ صاحب ته معلومات ورکړل او ویې ویل چې شیعه ولسونه په بشپړ ډول د اسلامي امارت په ځانګړي ډول د یاد وزارت له کړنو ملاتړ کوي او ورسره همغږي دي.

هغه همداراز زیاته کړه، چې یاد وزارت په اسلامي نظام کې د زړه حیثیت لري، ځکه چې د دیني ارزښتونو ترویج او د ټولنې اصلاح لپاره کار کوي‌.

ښاغلي اخلاقي ډاډ‌ ورکړ، چې د منکراتو او ناوړه دودونو مخنیوي ته ژمن دي او په ورته کړنو کې د یاد وزارت سره بشپړه همکاري کوي.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS