د امر بالمعروف، نهې عن‌المنکر او شکایتونو اورېدلو وزیر د اسلامي همکاریو د سازمان له ځانګړي استازي او مل پلاوي سره ولیدل

fazli_admin
Wed, Nov 12 2025 3:19 PM
dydar_wzyr_sahb_ba_sazman_hmkary_hay_aslamy_-21_qrb.jpg

د امربالمعروف، نهی عن المنکر او شکایتونو اورېدلو وزارت قدرمن وزیر شیخ‌الحدیث الحاج محمد خالد الحنفي د لاښې همغږۍ او همکاریو پراختیا په موخه د اسلامي همکاریو د سازمان له ځانګړي استازي طارق علي بخیت، د کابل لپاره د یاد سازمان له سفیر ډاکتر سعید علیاش او مل پلاوي سره په خپل کاري دفتر کې وکتل.

د ناستې په پیل د امر بالمعروف، نهې عن‌المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي راغلي پلاوي ته د ښه راغلاست ترڅنګ له هغوی سره د یاد وزارت د فعالیتونو، لاسته راوړنو او د ټولنې د اصلاح په لړ کې د ترسره شویو اصلاحی اقداماتو په اړه مفصل معلومات شریک کړل.

ښاغلي الحنفي صاحب څرګنده کړه: د وزارت بنسټیزه موخه داده، چې د اسلامي اصولو پر بنسټ یوه سالمه او اسلامي ټولنه رامځته شي، چې یاده چاره دعوت، عامه پوهاوي او اصلاحي کړنو ته اړتیا لري.

قدرمن شیخ صاحب د اسلامي همکاریو د سازمان له استازو وغوښتل، څو د دعوت او  عامه پوهاوي په برخو کې له یاد وزارت سره له تخنیکي او معنوي ملاتړ ترڅنګ د ظرفیت لوړونې پروګرامونو او روزنیزو سیمنارونو په برابرولو کې مرسته وکړي.

د اسلامي همکاریو د سازمان ځانګړي استازي طارق علي بخیت او ډاکتر سعید علیاش د یاد وزارت کړنې او اصلاحی لاسته راوړنې مثبتي وبللې او ډاډ یې ورکړ چې د دواړو لورو همغږي او دوامدار تعامل د متقابل تفاهم، د تجربو د تبادلې او د همکاریو د پیاوړتیا لامل ګرځي.

یاده دې وي، چې په دې کتنه کې د اسلامي ارزښتونو د ترویج او د دعوتي او تعلیمي پروګرامونو په برابرولو په برخه کې هم په متقبلو همکاریو بحث او خبرې اترې وشوې.

Latest news

Tue, Nov 17 2026 2:23 PM
Background image

Farah Hosts Meeting on Amir al-Mu’minin’s Decrees and Islamic Hijab with Hundreds of Religious Scholars

A major reform and awareness-raising meeting on the implementation of the decrees of the Honourable Amir al-Mu’minin, the Law on the Promotion of Virtue and Prevention of Vice, and. . .

Tue, Nov 17 2026 9:48 AM
Background image

Nearly 30 Women Rescued from Domestic Violence in Nine Provinces Over Two Days

As a result of the efforts and follow-up by officials (Muhtasibs) of the Ministry for the Promotion of Virtue, Prevention of Vice, and Hearing of Complaints of IEA, 26 women have been. . .

Sun, Nov 15 2026 3:13 PM
Background image

A Woman Was Rescued from an Unlawful Marriage in Ghazni Province

In Ghazni continuing their daily activities and in accordance with the decree of Amir al-Mu’minin, the Ministry's Muhtasibs prevented a forced marriage in the province. 
A widow was at. . .

BACK TO NEWS