د محتسبینو په هڅو په کابل کې ۲۷ کلنه دښمني حل او پر دوستۍ بدله شوه 

fazli_admin
Wed, Jul 30 2025 8:24 AM
dr_wlayt_kabl_dshmny_27_salh_hl_shd_-pshtw.jpg

د کابل ولایت د امر بالمعروف ریاست محتسبینو د ټولنیز عدالت د تأمین او د قومي او ژبني تعصباتو د مخنیوي په موخه د کابل په پغمان، بګرامي او قره باغ ولسوالیو کې (۶) وړې کورنۍ شخړې حل او یوه (۲۷) کلنه دښمني چې له تېرو اووه ویشتو کلونو راهیسې روانه وه، چې د شخړو او ګڼو نورو ستونزو لامل شوې وه د محتسبینو په هلو ځلو حل او پر دوستۍ بدله شوه.
د محتسبینو له لوري د قومي مخورو او دیني عالمانو په منځګړیتوب د روغې جوړې په پار جوړې شوې ناستې ته محتسبینو پخپلو خبرو کې وویل: قومي او ژبني دښمنۍ پالل له یوې خوا په هېواد کې راغلی امن ګواښي او له بل پلوه نوی نسل د بدیو دوام ته هڅوي، چې مخنیوی او پر وړاندې مبارزه یې زموږ او ستاسې ګډ مسؤلیت دی.
ورته مهال په دښمنۍ کې ښکېلو اړخونو، دیني عالمانو او قومي مخورو  د دې لوی ناورین پر مخنیوي خوښي وښوده او په ټولنه کې د محسبینو له لوري د معروفاتو په اقامې او د منکراتو په مخنیوي کې یې د محتسبینو کړنې وستایلې او ژمنه یې وکړه، چې د ټولنې په معنوي رغښت کې د محتسبینو تر څنګ ولاړ دي.
د یادولو وړ ده، چې د امر بالمعروف وزارت محتسبینو په ټولنه کې د نورو منکراتو د مخنیوي تر څنګ په تېره یوه میاشت کې د هېواد په کچه د (۷۱) لویو او وړو دښمنیو مخه نیولې او په دې پار یې کړنې لا هم دوام لري.

Latest news

Mon, Mar 24 2025 10:54 AM
Background image

Muhtasibeen Resolve Conflict in Baghlan and Prevent Forced Marriage

Muhtasibeen in Dandghori, Baghlan, resolved a dispute that had led to a tribal decision to exchange a girl in bad marriage (forced marriage). They emphasized the importance of. . .

Wed, Mar 19 2025 2:05 PM
Background image

The Hearing Complaints Department Addresses Nearly 140 Women’s Sharia Cases

The Department of Hearing Complaints, Directorate for the Promotion of Virtue in Bamyan, reports handling nearly 140 women’s Sharia cases over the past two years in both the center and. . .

BACK TO NEWS