د امربالمعروف وزارت وزیر شیخ محمد خالد الحنفي دپلازمېنې کابل زرګرانو اتحادیې له مسؤلینو سره وکتل
شنبه، شعبان المعظم۱۰، ۱۴۴۴
د امربالمعروف وزارت سرپرست وزیر شیخ محمد خالد الحنفي د پلازمېنې کابل د زرګرانو اتحادیې او د دې برخې د کارخانو له مسؤلینو سره پخپل کاري دفتر کې ولیدل.
په دې مخامخ لیدنه کې د زرګرانو د اتحادیې رئیس حاجي سید کریم د اتحادیې د غړو په استاز ولۍ د رهبري مقام څخه د وخت له ورکولو مننه وکړه او زیاته یې کړه: موږ په دې برخه کې له کلونو را هیسې مشکلات لرو د تېر دولت مسؤلینو د دې مشکلاتو په ایجادولو کې لوی لاس درلود اوس موږ د دې مشکلاتو د حل په موخه تاسو ته راغلي یو څو زموږ شکایتونه حل او یا د حل په موخه تر مسؤلو چارواکو ورسوئ
په دې تړاو د یادې اتحادیې بل غړي حاجي اسد الله پخپلو خبرو کې و ویل، که موږ غواړو چې د هیواد اقتصاد پر پښو ودورو او معیاري سره زر هیواد ته راشي نو په دې برخه کې د قاچاق مخه باید ونیول شي او ویې ویل،له بهر هیوادونو څخه د تجارانو د راوړونکو سره زرو له پاره مسؤلین باید د معاینې ځانګړی هیئت وټاکي څو معیاري اجناس هیواد ته را داخل شي.
دغه راز د زرګرانو د کارخانې رئیس پخپلو خبرو کې و ویل، موږ د امربالمعروفوزارت له مسړلینو غواړو چې دې برخې ته پخپله او یا د نورو اړوندو ارګانونو له لوري مسلکي هیئت وټاکل شي ځو په دې برخه کېد شته ستونزو مخه ونیول شي او له هغوی یې وغوښتل چې د دې برخې پر مسؤلینو غږ وکړي چې جنس پر جنس باید تبادله نه شي چې د ا کار له اسلامي احکامو سره په ټکر کې دی.
د ناستې په پای کې د امربالمعروف، نهی عن المنکر وزارت سر پرست وزیر هغوی ته د ښه راغلاست تر د هغوی د غوښتنو په ځواب کې و ويل،کسب کار د الله جل جلاله ملګری دی زموږ ولس دردېدلی دی او پر موږ حق لري چې په هره برخه کې ریښتونی خدمت ورته وړاندې کړو تاسې د خپلو کارونو د تر سره کولو پر مهال الهي وېره په زړه کې ولرئ حو مو کارونه له الهي احکامو سره سم وي او هیواد ته مو ګټه رسېدلې وي.
خالد الحنفي همدا راز د هغوی د غوښتنو په ځواب کې و ویل، تاسو پر خپلو کارونو ښه بلد یاست، تاسو په دې برخه کې د شته ستونزو د مخنیوي په موخه اصول وټاکئ موږ یې په پلي کولو او تر مسؤلو چارواکو په رسولو کې هر ډول مرستې ته ژمن یو.
