امربالمعروف، نهي عن المنکر او د شکایتونو اورېدلو وزارت په اونۍ کې

fazli_admin
پنجشنبه ۱۴۰۵/۸/۲۸ - ۹:۱۳
whatsapp_image_2026-11-18_at_4.40.15_pm.jpeg

۱- د اصلاحي او عامه پوهاوي غونډو جوړول:

د امربالمعروف، نهی عن المنکر او شکایتونو اورېدلو وزارت محتسبینو او مبلغینو په دې اونۍ کې د معروفاتو اقامې، منکراتو مخنیوي، د عامه پوهاوي د کچې لوړولو په موخه، له دیني عالمانو، قومي مشرانو او د ټولنې له بېلابېلو قشرونو سره تر ۷۰۰ ډېرې اصلاحي او د پوهاوي غونډې کړې دي.

له بلې خوا، د دغه وزارت نظامي مسؤلینو او محتسبینو د پلازمېنې کابل په ګډون په ځینو ولایتونو کې له نظامي ارګانونو څخه د څارنې ترڅنګ، د وزارت د لارښوونو د پلي کولو او ګډې همغږۍ رامنځته کولو په موخه، له مسؤلینو او منسوبینو سره اصلاحي ناستې کړې دي.

همدارنګه، محتسبینو د بازارونو د چارو د تنظیم، د شرعي احکامو د تطبیق، د احتکار او ګران‌پلورنې د مخنیوي او د پټاقیو او اور اخیستونکو توکو د پېر او پلور د مخنیوي په موخه، له سوداګرو او هټۍوالو سره نږدې ۳۰۰ اصلاحي کړې دي او له سوداګرو یې غوښتي چې خپلې ورځنۍ تجارتي کړنې له دیني اصولو سره سمې تر سره کړي.

د رسنیو څارنه:

دغه راز د یاد وزارت د اطلاعاتو او عامه اړیکو ریاست مسؤلینو د وزارت د لاسته راوړنو د خپرولو ترڅنګ، په رسنیو او ټولنیزو شبکو کې د لسګونو سرغړونو مخنیوی کړی او سرغړوونکو اشخاصو او مسؤلینو ته یې لازمې سپارښتنې کړې دي، څو د رسنیزو پروګرامونو او محتوا د خپرولو پر مهال د اسلامي شریعت احکام، دیني ارزښتونه او اخلاقي اصول رعایت کړي.

۳- د کوډګرو نیول:

 محتسبینو د خرافاتو پر وړاندې د مبارزې او د اسلامي شریعت له احکامو او دیني ارزښتونو سره د مخالفو کړنو د مخنیوي په موخه په دې اونۍ کې په کابل، کاپیسا، فاریاب، ننګرهار، پروان، بلخ او غزني ولایتونو کې ۱۰ هغه کسان نیولي چې د جادو او خرافاتي کړنو په کولو بوخت وو، چې د شرعي پرېکړې په موخه یې عدلي او قضایي ارګانونو ته ور پېژندلي دې.

۴- د شخړو حل او دښمنیو پای ته رسول:

 محتسبینو د دښمنیو د له منځه وړلو او د خلکو ترمنځ د یووالي او ورورولۍ روحیې د پیاوړتیا په موخه، په دې اونۍ کې د دیني عالمانو او قومي مشرانو په همکارۍ، په مرکز او ځینو لایتونو کې  ۹ دښمنۍ او ۸۱ شخړې د اسلامي شریعت له احکامو سره سمې حل کړې دي.

۵- د ښځو شرعي حقونو ته رسېدنه:

د امربالمعروف، نهي عن المنکر او شکایتونو اورېدلو وزارت منسوبینو د ښځو د شرعي حقونو د تأمین په موخه د ښځو د شرعي حقونو اړوند ۱۰۴ قضیو ته رسېدنه کړې ده.

په دغو قضیو کې ظلم، اجباري نکاح، میراث ، ولور، نفقه، د شرعي نکاح د زمینې برابرول او طلاق شاملې دي.

تازه ترین اخبار

پنجشنبه ۱۴۰۵/۸/۲۸ - ۹:۹
Background image

فشرده فعالیت‌های وزارت امر بالمعروف، نهی عن المنکر و سمع شکایات در یک هفته


محتسبین و مبلغین و وزارت امر بالمعروف، نهی عن المنکر و سمع شکایات در جریان یک هفته، در راستای تطبیق احکام شریعت اسلامی، تأمین حقوق شرعی شهروندان، اصلاح جامعه، رسیدگی به شکایات مردم و. . .

چهارشنبه ۱۴۰۵/۸/۲۷ - ۹:۲۲
Background image

برگزاری برنامه‌های اصلاحی و آگاهی‌دهی دینی به‌منظور تطبیق احکام شرعی در مراسم نامزدی و عروسی در چهار ولایت

محتسبین وزارت امر بالمعروف، نهی عن المنکر و سمع شکایات در ولایت‌های تخار، لغمان، ننگرهار و کابل، نشست‌های اصلاحی و آگاهی‌دهی دینی را با اشتراک صدها تن از علمای دین، بزرگان قومی و جوانان. . .

چهارشنبه ۱۴۰۵/۸/۲۷ - ۹:۱۴
Background image

از دو مورد نکاح تحمیلی بر زنان در ولایت‌های پروان و زابل جلوگیری شد

منسوبین وزارت امر بالمعروف، نهی عن المنکر و سمع شکایات، به‌منظور رسیدگی به شکایات مردمی و تأمین حقوق شرعی زنان، از دو مورد نکاح تحمیلی بر زنان در ولایت‌های پروان و زابل جلوگیری کردند.

. . .

BACK TO NEWS