د امربالمعروف، نهي عن المنکر او شکایتونو اورېدلو وزارت د  ۱۴۰۵ هــ.ل کال د میزان میاشتې د کړنو راپور

fazli_admin
شنبه ۱۴۰۵/۸/۲ - ۸:۵۵
whatsapp_image_2026-10-22_at_1.13.13_pm.jpeg

۱- اصلاحي ناستې

د امربالمعروف، نهي عن المنکر او شکایتونو اورېدلو وزارت محتسبینو او مبلغینو د روان ۱۴۰۵کال په میزان میاشت کې، د معروفاتو اقامې، منکرتو مخنیوي، د ناوړه دودونو د مخنیوي د اصلاح او عامه پوهاوي د لوړولو په موخه په ټول هېواد کې له دیني علماوو، قومي مشرانو، ګذر له وکیلانو او د ټولنې له بېلابېلو قشرونو سره ۲۴۵۸ اصلاحي ناستې کړې دي.

همدارنګه، د یاد وزارت نظامي محتسبینو په همدې میاشت کې د دې وزارت د قانون او د امیرالمؤمنین حفظه‌الله د فرمانونو د تطبیق په موخه، په کابل او ولایتونو کې د سلګونو نظامي ادارو د څارنې ترڅنګ، له مسؤولینو او مجاهدینو سره اصلاحي او د عامه پوهاوي ناستې کړې دي.

 بلخوا د یاد وزارت محتسبینو په سوداګریزه راکړه ورکړه کې د اسلامي ارزښتونو د دودولو او د شرعي اصولو د رعایت په موخه، له سوداګرو او هټۍوالو سره نږدې ۱۰۰۰ اصلاحي ناستې کړې دي او په دغو ناستو کې له دوکې، خیانت، په تول او پیمانه کې له کموالي او نورو شرعي احکامو خلاف کړنو څخه پر ډډه کولو ټینګار شوی دی او له بازارونو څخه تر ۲۰ ټنو ډېر بې‌کیفیته او تاریخ‌تېر خوراکي او غیرخوراکي توکي راټول او له منځه وړل شوي دي.

۲- د رسنیو او ټولنیزو شبکو څارنه

د امربالمعروف وزارت د اطلاعاتو او عامه اړیکو ریاست د رسنیو د څار برخې مسؤلینو په میزان میاشت کې، د یاد وزارت د مهمو لاسته‌راوړنو او فعالیتونو د خپرولو ترڅنګ، په رسنیو او ټولنیزو شبکو کې د سلګونو سرغړونو مخه نیولې ده او  سرغړوونکو کسانو ته سپارښتنه شوې چې د خپلو خپرونو د نشر پر مهال د اسلامي شریعت احکام او دیني ارزښتونه رعایت کړي. دغه راز د پلازمېنې کابل په ګډون په ځینو ولایتونو کې هغه رسنیز مرکزونه او د غږ ثبتولو او ترانو سټوډیوګانې تړل شوې چې د شرعي اصولو خلاف کړنې یې تر سره کولې.

۳- د کوډګرو نیول

 محتسبینو د خرافاتو پر وړاندې د مبارزې او د اسلامي ارزښتونو خلاف کړنو د مخنیوي په موخه، د ۱۴۰۵ کال په میزان میاشت کې په ټول هېواد کې ۵۲ هغه کسان نیولي چې د کوډو او جادو په کړنو بوخت وو  د شرعي پرېکړې په موخه یې عدلي او قضایي ادارو ته ورپېژندلي دي.

۴- د شخړو حل او د دښمنیو پای ته رسول

د سولې د ټینګښت، د اسلامي ورورولۍ د پیاوړتیا او د اختلافاتو د کمولو  په موخه د دیني علماوو او قومي مشرانو په همکارۍ ۴۸ دښمنۍ او ۲۵۲ کورنۍ، قومي او سیمه‌ییزې شخړې د اسلامي شریعت د احکامو سره سمې حل‌ کړې او د ښکېلو لورو ترمنځ یې  جوړجاړي او پخلاینې ته لار هواره کړې.

۵- د ښځو شرعي حقونو ته رسېدنه

 محتسبینو د روان کال د میزان میاشتې په ترڅ کې، د ښځو د شرعي حقونو اړوند ۹۳۸ قضیو ته رسېدنه کړې ده.

په دغو قضیو کې ظلم،  جبري نکاح، میراث، ولور، نفقه، بد کې د نجونو ورکول او طلاق قضیې شاملې دي، چې  د محتسبینو له لوري حل شوې دې.

تازه ترین اخبار

سه‌شنبه ۱۴۰۵/۸/۲۶ - ۹:۵
Background image

نشست تطبیق فرامین عالی‌قدر امیرالمؤمنین حفظه‌الله و رعایت حجاب با حضور صدها تن از علمای دینی در ولایت فراه برگزار شد

نشست بزرگ اصلاحی و آگاهی‌دهی پیرامون تطبیق فرامین عالی‌قدر امیرالمؤمنین حفظه‌الله، قانون امر بالمعروف، نهی عن المنکر و رعایت حجاب شرعی، با حضور صدها تن از علمای دین، بزرگان قومی و. . .

سه‌شنبه ۱۴۰۵/۸/۲۶ - ۸:۵۳
Background image

برای حفظ جان و مال مردم؛ کمپاین سراسری جمع‌آوری پتاقی و مواد آتش‌زا از سوی محتسبین ادامه دارد

مسئولان وزارت امر بالمعروف، نهی عن المنکر و سمع شکایات می‌گویند که محتسبین این وزارت، حدود دو هفته پیش کمپاین سراسری جمع‌آوری پتاقی و مواد آتش‌زا را به‌منظور جلوگیری از منکرات، اعمال. . .

سه‌شنبه ۱۴۰۵/۸/۲۶ - ۸:۵۰
Background image

نجات نزدیک به ۳۰ زن از خشونت‌های خانوادگی طی دو روز در ۹ ولایت

در نتیجه تلاش‌ها و رسیدگی‌های منسوبین وزارت امر بالمعروف، نهی عن المنکر و سمع شکایات، طی دو روز گذشته ۲۶ زن در ۹ ولایت از خشونت و بدرفتاری خانوادگی نجات یافته‌اند.

این قضایا در ولایت. . .

BACK TO NEWS